ذئاب الجبل _الجزء الثالث_حماده فاروق

ذئاب الجبل
الحلقة الثالثة
الحلقه اللي فاتت خلصت
لما كان البدري هو ودبور رايحيين للعربي
وفتح البدري الباب
ويقابله العربي وهو ماسك البندقيه بتاعته
والبدري يفتح عنيه والعربي عنيه بتطق شرار...
....................
البدري يشوف العربي جاي بعصبيته وناوى علي الشړ...
والعربي يتفاجئ بشكل البدرى ومظهره الجديد....
العربي واقف علي الباب من بره والبدرى واقف قدامه وجمبه دبور
العربي.....
باه يابدرى...
غيرت خلقاتك ولبست خواجاتي
البدرى...يقاطع...
طب قوول سلامو عليكم ياعربي...
العربي..
لا سلام ولا كلام يابدرى...
انا مش جاي اضايف...

البدري...
وجاي ليه يا عربي...
العربي...يبص للبدري في عنيه...
ويقوله...
من خمس سنين فاتو يا بدرى وانت عتضحك علينا وعلي هوارة أنك قټلت وردة وغسلت عاړك...
البدري يقاطعه...ويعلي صوته
ومين قالك ياعربي
أني قټلت وردة اختي... 
أني قلت كده... 
الحديت دة طلع من حنكي...
ولا أنتو اللي عتكدبو الكدبه وتصدقوها... 
ولا علوان... علوان البكري اللي قالكم اكده ياعربي...عشان يخلص مني والجو يخلالو ويحكم هوارة... 
العربي يقاطعه....بعصبيه... 
أحنا مش في علوان دلقيت يابدرى
احنا فيك انت... 
احنا في اللي كان هيكون كبيرنا... 
امعاود هوارة ولابس خواجاتي... 
ومش بس اكده... لااااه
امعاود وامعاه خيته اللي بدل ما يكون شايلها علي يده وياخد عزاها....
امعاودلنا ويده في يدها وعايزنا ننسي اللي حصل.... 
البدري... 
وايه اللي حصل ياعربي... 
ايه المصېبه والعاړ اللي عملته اختي ورده... 
الشيخ بدار الله يرحمه... 
هو اللي جوز ورده علي سنة الله ورسوله..
كيف شرع ربنا ما قال... 
ايه الغلط والعاړ في اكده ياعربي.
العربي لسه بعصبيته...
العاړ في اكده يابدرى ان بت من بناتنا تعشق....
لا وايه تعشق غريب كمان....
البدري يقاطعه...
اوعي لحديتك ياعربي....
اوعي لروحك و لسانك عيقول ايه ياعربي....
أنا ورده اختي مغلطتش...
ولا عملت عمله تغضب بيها ربنا...
العربي يقاطعه...
مانت لازم اتقول اكده يا بدري.
طلعت من جلدك وابقيت خواجاتي وبقيت زيهم وانسيت عوايدنا... 
ويمسك العربي البندقيه ويمد ايده للبدري.... ويقوله... 
بص يا بدري...
تاخد البندقيه دي من يدى وتنهي الحكايه دي...
يا اما....
البدري يقاطعه...
يا إما ايه يا عربي
العربي
يا اما هيكون فيه حديت تاني بيناتنا.....
البدري...بعصبيه..
أنت اتجنيت اف عقلك اياك ياعربي.
عايزني اخد البندقية منيك واقتل بيها أنسانه بريئه ملهاش اي ذنب...
العربي...
متقولشي بريئه يابدري...
البدري يقااطعه...
لاااه بريئه ياعربي...وستين بريئه كمان...
العربي....
أفهم من أكده انك معتنفذشي اللي عقولك عليه يابدري...
البدري...
لاه يا عربي...معنفذشي حاجه تغضب ربنا بحجة عاويدنا وجهلنا ياعربي....
وهنا دبور يتدخل ....
دبور...
كفاياكم عاد...
كفاياكم يا واد العم انت وهو
كفاياكم عتلمو علينا الخلق...
البدرى...
أنت مواعيشي يا دبور العربي رايد مني ايه...
دبور....
وأنت كمان ياعربي...نزل اسلاحك ده وتعالي ندخل الدار ونتفاهمو...
العربي...
لااه يادبور...لاه...معدخلشي واصل...
ويبص العربي في عين البدرى بتحدي...ويقول...
وهواره ليها كبير يترد عليه....
سلام...
ويمشي العربي وهو متعصب ويجري وراه دبور...وينادي
ياعربي....ياعربي....
ويدخل البدري لجوة والكل واقف علي اعصابه...
حاتم وورده...ونورا اللي كانت واقفه مړعوبه جوة من صوت الخناق واول ما البدري يدخل يقابله حاتم...
حاتم....
أنا اسف يا بدري بيه...
انا السبب في كل اللي بيحصلكم ده.....
البدري....يبص للدكتور حاتم ويتنهد.....ويقول...
لاه يادكتور حاتم لاه...انت ملكش صالح ولا ليك ذنب....
دى عوايدنا يا دكتور...
عوايدنا اللي ورثناها عن جدودنا 
واللي المفروض تتغير مع الزمن...
لكن هي لابده فينا معتتغيرش واصل....
حاتم...
طيب وايه الحل....
هتعمل ايه يابدرى بيه...
البدري....
اللي عيعملو ربنا عيكون يا دكتور حاتم...
اللي عيعملو ربنا عيكون.
.....................
المشهد....دبور ماشي مع العربي علي طريق ذراعي وفيه ترعه جمبهم....
ودبور بيحاول يرجع العربي عن اللي هو فيه...
دبور....
عربي يا واد عمي....
عربي ياواد عمي اخذي الشيطان...
اخذي الشيطان واللي حوصل حوصل عاد...
العربي....يقف ويبص لدبور ويرد بعصبيه...
باه يادبور...اللي حوصل حوصل...
كأنك راضي عاللي عيقوله البدري اياك يا دبور...
لادد عليك حديته اياك...
دبور...
مهو ياعربي الحق حق الله معملوش حاجه عفشه ولا حرام ياعربي...
العربي بتعصب اكتر...
باه يادبور..حديتك ده عيجنني اكتر من منا متجنن...
دبور...
طب وعتعمل ايه يا عربي ووين رايح يا واد عمي....
العربي....
رايح لكبيرنا...
كبير هواره يا دبور...
دبور....
بااه