اختي الحربايه _ كامله _ بقلم هويدا زغلول

هشام _ ارجوك يا بابا هي مش عايزه اي حد يتكلم معاها سيبها النهارده بس وبعدين نبقى اتكلم زي ما انت عايز

الاب _ طب اديني فرصه يمكن اعرف اخر رقم المود اللي هي فيه وبعدها دخل الاب وكان 
معاها صور وانا اول لما شوفته قومت 
وقفت وقولت

اميره _ بابا تعالى حبيبي خير في حاجه ولا ايه

الاب _ ياه كلمه بابا لما بتتقال من بنت بتبقى طالعه حلوه قوي مش الشحط اللي واقف بره ده.وانا ضحكت وقولت

اميره _ ربنا يخليك لنا يا حبيبي ما تعرفش انا كنت بحب بابا ازاي وانت كمان بتفكرني بيه الله يرحمه

الاب _ الله يرحمه خذي الصور دي انا عايزك تتفرجي عليها كويس قوي وبعدها اخذت صور منه وبدات ابص فيها وكانت صوره هو زمان وهو شغال على العربيه كارو

اميره _ معقول انت ده يا بابا

الاب _ محدش بيتولد كبير كلنا لازم نبدا من الصفر صحيح  ابني اتولد كبير علشان ابوه تعب وعلمته يحافظ على ماله كويس قوي 

انا عمري ما فكرت اقطع الصور 
دي بالعكس والله محتفظ بيها

اميره _ انا بس عايزه اعرف مين اللي عمل فيا كده معقوله اختي اللي من دمي اللي عملت فيا كده ولا الانسان اللي كنت بحبه وانا ما عملتش فيه اي حاجه

الاب _ يعني انتي لما تعرفي اللي عمل فيكي كده هتجمعي الناس تاني وتقوليلهم ده فلان اللي عمل اوعي تخلي الموضوع ده ياثر في نفسيتك يوم وعدا ومحدش هيفضل 

فاكره انسي يا حبيبتي علشان 
تقدري تعيشي حياتك

اميره _ ربنا يخليك ليا يا حبيبي بجد انا كنت 

خايفه ادخل البيت ده اوي علشان يعني

الأب _ قصدك علشان فقيره الفقر عمره ما كان عيب يا حبيبتي المهم انك بنت اصول 
ودي كفايه هخرج بقي انادي الواد 
اللي برا ده

اميره _ تمام يا حبيبي وبعدها خرج وتلفوني 

رن ورديت وقولت

اميره _ كنت عارفه انك هتتصلي بيا يا وفاء 
ازاي تعملي فيا كده

وفاء _ علشان الجوازه مش تتم اسمعي 
كلامي سيبك منه وتعالي عيشي معايا 
هنا في الفيلا دي

اميره _ مكنتش فاكره انك حقيره اوي 
كده منك لله يا شيخه والحمد لله الجوازه مش 
اتفشكلت

وفاء _ هفضل وراكي لحد ما يسيبك مهو 

مش انا اتجوز واحد زي منير الاهبل 
وانتي تتجوزي واحد زي هشام وقفلت 
السكه

وتاني يوم كنت لابسه وخارجه 
وصحي هشام من النوم

هشام _ ايه ده رايحه فين النهارده يا اميره النهارده صبحتيتك يا حبيبتي

اميره _ مشوار ضروري لازم اروحه

هشام _ طيب تحبي اجي معاكي

اميره _ مش هتأخر وروحت الفيلا عند وفاء 

وبعدها روحت وجسمي كله بترعش 
ومن الخوف نمت وصحيت 
علي صوت هشام بيقولي

هشام _ انتي عملت ايه بالظبط يا مجنونه البوليس تحت وعايزك انتي عملتي حاجه في وفاء زي ما بيقولوا

اميره _ والله العظيم ابدا انا ما جيتش جنبها لقيتها كده في الفيلا وخوفت ومشيت