جوزي _الحلقه الالي

الزماله اللي بينا..
سماح
انا بخير وبإذن الله ابقي كويسه وانزل
الشغل بس ياريت يا امجد ما تبعتش رسائل تاني انا مش عايزه مشاكل..
امجد 
حاضر والله لو ده اللي هيرضيكي هعمله بس ياريت ما تعمليش بلوك عشان لو عوزتيني في اي وقت انا اكون تحت امرك
سماح
تمام اوكيه تصبح على خير
_ وقفلت معاه ومحست المحادثه ونامت وما صحيتش غير تاني يوم وكان احمظ واقف قصادها..
سماح 
اي ده انت جيت امتي..
احمد
هو انتي داريانه بالدنيا ولا عارفه أن ليكي راجل اصلا..
سماح 
فيه اي يا احمد علي الصبح هو انا عملت حاجه
احمد 
في أن عيشه تقرف مش لاقي قميص مكوي اروح بيه الشغل يا هانم..
سماح
ثواني ويبقي فيه طلع القميص اللي عايزه وانا هقوم اكوي علي طول
احمد 
تقومي خليكي خليكي مكانك انا مستعجل مش هستني جنابك تقومي في ساعه عشان تكوي حتت قميص
سماح 
ليه كده يا احمد ليه بتعملني بمزاجك مع أن مش بحب ازعلك
احمد 
ابتدينا ام النكد علي الصبح انا ماشي وسيبهالك..
_ وخرج ورزع باب الاوضه ورا ونزل خالص من الشقه..ودخلت الام عندها وقالت..
الام 
صباح الخير يا سماح فيه اي مال جوزك يا حبيبتي كان عامل يزعق عليه علي الصبح كده
سماح وهي بټعيط 
ما فيش يا ماما بس رجلي وجعتني شويه
الام
يا حبيبتي يا بنتي هو علي الطول طريقته كده
سماح 
لا والله ساعت بيكون كويس وحنين اوي معايا بس هو عالشان مستعجل بس
الام 
طيب يا حبيبتي هقوم احضرلك فطار
سماح
والنبي يا ماما طلعي هدوم لاحمد عالشان نبعت البواب يوديها للمكوه
الام 
حاضر يا حبيبتي
_وبعدها مسكت الموبيل وفضلت علي النت شويه وأحمد اتصل
سماح
يووووو هتكمل باقي النكد عليا يعني..
وردت عليه وقالت
ايوه يا احمد خير ان شاء الله حرام عليك والله اللي بتعمله فيا ده.. 
احمد 
ما تزعليش يا سماح حقك عليا انا اسف..
سماح بهدوء
ابدا ما فيش حاجه خلاص اتعود منك علي كده
احمد 
طيب قولي لماما ما تعملش اكل هجيب غدا وانا جاي بالله عليكي ما تكوني زعلانه مني بقي خالص
سماح
تمام يا حبيبي خلاص ياعمري تيجي بالسلامه يارب... وقغل احمد معاها وبص لسعيد. وقال..
احمد
اهو عملت اللي قولت عليه
سعيد
شوفت المشكله انتهت في ثانيه ازاي يا بني
الستات دول ما فيش اطيب منهم والله
احمد 
بس ساعات بحس انها غبيه وانا مش بحب 
الغباء بتعها
سعيد 
بالعكس انت اللي بايدك تخليها كده وبايدك تخليها ذكيه. احنا بليل هتيجي نطمن عليها
احمد 
بليل ليه احنا هنتغدا سوا انهارده وانا هاتصل بنورا وعرفها تطلع من الشغل علي البيت عندنا .....
سعيد 
يا ابني بالراحه اصل اا..
احمد 
ما فيش اصل بالله كلمها
_وفعلا راحوا وطلب احمد اكل من برا ودخل لقاه نورا وسماح قاعدين في الصاله
احمد 
مساء الخير عليكم يا جماعه
سماح 
مساء الخير حمد لله علي السلامه 
وقعدوا اتغدوا وبعدها قاعدين بيتكلموا
نورا 
المفروض كده هتقدري تنزلي الشغل امتي 
سماح باذن الله الاسبوع الجاي الشغل وحشني اوي والله
_احمد فضل مدايق وبعد الناس ما مشيوا ساب سماح في الصاله ودخل الاوضه طلبت من مامتها تدخلها دخلت الاوضه لانها لسه حاسه بالم وبعدها دخلت وقالت لاحمد..
سماح 
اي يا احمد مالك مدايق كده ليه..
احمد پحده
بقي الشغل اللي وحشك ولا الناس اللي فيه هي البي وحشتك وازاي اصلا تدي قرار وانا قاعد يا هانم
سماح 
ولحد هنا تكون خلصت حلقتنا