ابني باس رجل مراته قدام الناس _الحلقه الثانيه _بقلم هويدا زغلول

عليا أن أنا عايشه في شقه 
وانتي في شقه وقولت يا بت يا امل دي 
امل جوزك يعني امك بس نفسي افهم هو انتي 
ليه پتكرهني
الام _انا عمري ما کرهت حد والله يا بنتي بس 
انتي اسلوبك مش عجبني
امل _طيب لو منك تغيرني تخليني اكون 
انسانه كويسه بقولك اي أنا بعمل اكل 
في شقتي تحبي اجيبه وانزل هنا ولا تيجي معايا 
فوق
الام _سبحان مغير الاحوال ربنا يهديكي يا بنتي
امل _ربنا يخليكي ليا يا ماما وبعدها طلعت 
شقتها وجه رؤوف من برا وقال
رؤوف _والله مش مصدق نفسي معقول انتي 
هنا يا امي ربنا يخليكي ليا ويبارك في عمرك
الام _وحشتني اوي اوي يا رؤوف كده يابني 
شهر بحاله مش اشوفك
رؤوف _يا ماما انا كنت بشوفك كل يوم وانتي 
وافقه في البلاكونه عامله تبصي عليا
الام _اعمل اي يا حبيبي كنت وحشني اوي 
وفي الوقت ده امل خرجت من المطبخ
امل _عملتك يا ماما الفراخ مسلوقه زي ما 
انتي عايزه بالظبط علشان السكر يا حبيبتي 
ربنا يخليكي لينا
الام _ويخليكي ليا يا مرات ابني ويهديكي عليا 
يارب وبعد ما خلصت اكل قولت
الام _هنزل انام بقي في شقتي شويه 
لأن حاسه ان تعبانه اوي
امل _والله ما يحصل ادخلي نامي جوا
اصل انا اخاڤ عليكي يا ماما تكوني تحت 
ويحصلك حاجه يا حبيبتي
الام _ربنا يديكي يا بنتي علي قد اللي بتعملي 
معايا وبعدها دخلت وكلمت مني
مني _والله كنتي لسه في بالي وكنت عايزه 
اجي علشان اطمن عليكي عامله اي
الام _اسكتي يا مني مش هتصدقي اللي حصل 
اختك نزلت خدتي وقالت لازم اقعد معاها 
في شقتها
مني _انتي بتتكلمي عن مين امل معقول امل 
عملت كده لا طبعا اكيد حضرتك بتحلمي
الام _والله يا بنتي زي ما بقولك كده بالظبط 
ومش عايزه اي اللي غيرها معايا كده تفتكري 
المصاريف بقت كتير عليهم وعايزني اساعدهم
مني _يمكن يا طنط المهم عايزكي تخدي 
بالك من نفسك كويس
الام _مش مهم حتي لو اخدت المعاش كله 
كفايه أن بشوف رؤوف كل يوم وفي اوضه 
رؤوف كان قاعد هو وامل وقال
رؤوف _هو انتي متاكده من الكلام اللي انتي 
قولتي ده معقول خالتي كوثر ماټت وكتبت 
لماما ورثها كله
امل _اششش وطي صوتك قولتك ايوه امك 
نزلت خرجت انهارده ولقيت حد بيبخبط علي الباب 
نزلت وكان المحامي وقالي
فلاش باك 
امل _خير يا استاذ فيه حاجه ولا اي
المحامي _حضرتك انا عايزه مدام فاطمه انا محامي اختها الله يرحمها
امل _انا مرات ابنها. ودي بطاقتي اهي فيها 
اسم جوزي بس خير حضرتك عايز حماتي ليه
المحامي _اختها الله يرحمها مكنش ليها حد 
الا جوزها اللي يرحمه برضه وكتبت كل حاجه 
ب اسم اختها فاطمه ولازم هي تيجي تستلم 
الميراث بنفسها
امل _اصل اصل حماتي تعبانه ينفع ابنها 
يستلم مكانها وهي هتعمل ايه توكيل
المحامي _انا ممكن اجي اخلص الورق كله 
من هنا يعني هي مش هتروح في مكان المهم 
بس انا لازم اتكلم معاها عالعموم ده رقمي 
خليها تكلمني وانا هاجي ليها
امل _ماشي وبعدها طلعت شقتها