اخوات جوزي العوانس دمروا فرحي الجزء الاخير بقلم هويدا زغلول

اعصابها متوتره شويه ان الفرح قرب وكده...
ليلي وهي بتمسح دموعها 
عادي ي اسماء محصلتش حاجه..
احمد بضيق 
انزلي ي اسماء اقعدي مع ثريا وخليها تهدي شويه...
اسماء وهي خارجه لبره 
حاضر ي احمد..
ليلي بعد ما مشيت اسماء 
والله ي احمد انا اا..
قاطعها احمد وقال بهدوء 
مصدقك وعارف ان صلاح مقالش كده ل ثريا بس لو سمحتيي ليلي ومتفهمنيش غلط بلاش يجي صلاح وتقعدي معاه عشان متحصلش مشاكل بسبب تفكير ثريا اللي زي الزفت ده..
ليلي بهدوء 
من غير متقول والله انا هعمل كده وكمان عشان صلاح ده انا مش مرتحالو...
احمد بضيق 
والله ولا انا بس لو اتكلمت ثريا هتقيم علينا الحد..
ضحكت ليلي واحمد خدها فحضنه عشان يراضيها....
بعد كام كانت ليلي خارجه من الحمام وحاطه الفوطه ع شعرها وشافت ثريا واقفه عند الدولاب بتاعها ومطلعه الهدوم كلها ع السرير..
ليلي بقلق 
خير ي ثريا بتدوري ع حاجه اجيبهالك..
ثريا ببرود  
مفيش حاجه بدور عليها بس كنت بختار حاجه اخرج بيها مع صلاح..
ليلي بضيق 
طيب كنتي قوليلي وانا كنت هجيبلك اللي عايزاه بدا مانتي كركبتيلي الدولاب كده...
ثريا بعصبيه 
هو انا هستأذن عشان اجي اخد حاجه من الحاجات اللي جيبهالك اخويا...
اتنهدت ليلي وردت عليها 
هي فعلا الحاجه دي جايبها اخوكي بس جايبها ليا اناا...
ثريا ببرود 
بس احمد اخويا حبيب قلبي قالي ادخلي ي ثريا خدي اللي عايزاه البيت بيتك زكل حاجه بتاعتك لو عندك اعتراض اطلعي قوليلو...
ادايقت ليلي بس محبتش تعمل مشاكل وقالتلها 
لا معنديش البيت بيتك ي ثريا طبعا وتقدري تاخدي اللي عايزاه بعد اذنك هدخل اغير هدومي في الحمام..
دخلت ليلي الحمام واتعصبت ثريا اكتر هي كانت قاصده تعمل مشكله معاها بس ليلي اتعاملت معاها بكل ذوق وبوظتلها الخطه فمسكت ثريا فستان جديد مشافتش ليلي لابساه قبل كده واخدته وخرجت..
احمد بهدوء 
ثريا استأذنتي ليلي الاول قبل متاخدي الفستان ده..
ادايقت ثريا بس ردت عليه بحزن مصطنع 
ااه ي حبيبي بس حسيتها ادايقت انا والله لولا اني محتجااه ضروري ومعنديش وقت انزل اشتري جديد مكنتش اخدته منها...
اتنهد احمد وعرف ان اخته بتفتري ع ليلي كالعاده فرد عليها بهدوء..
احمد 
معلش ي ثريا المهم متتاخريش مع صلاح تشوفو العفش وترجعي ع طول..
ثريا بغيظ 
ان شاء الله ي احمد مع السلامه..
بعد شويه كانت ثريا قاعده مع صلاح وحماتها في كافي وحماتها كانت مدايقه جدا...
الحما بضيق 
اي بس اللون اللي انتي لابسااه ده ي ثريا مش كبرتي ع الحاجات دي...
ثريا بضيق 
مكبرتش علي الحاجات دي طبعا وبعدين انا عروسه لو ملبستش الحاجات دي دلوقتي هلبسها امتي..
الحما بحزن 
انتي كمان بتردي عليا شايف خطيبتك ي صلاح..
صلاح بعصبيه 
جرا اي ي ثريا احترمي نفسك شويه...
دمعت عيون ثريا وقالتلهم 
انا اسفه ي طنط