دكتور وقع في حب طالبه كامله بقلم هويدا زغلول
شقتكم يا روح قلبي علشان عاملين صينيه مكرونه بالبشاميل إنما اى هتاكليني وراها
منار بسرعه وجوع
فيكم الخير امي النهارده لقت في سحابه مغيمه راحت عملت عدس انا نزلالكم جرى سلام سلام مسافه السلم باي باي
بسنت بتوعد
إن معملتش منك مكرونه بالبشاميل مبقاش انا بسنت خرجت بسنت القطه بتاعتنا ومنار نزلتلهم
بسنت
الا قوليلي يا منوره الانسان الى بيفتن علي اخوه الإنسان بيحصل فيه اى يا تري ها قوليلي مټخافيش
منار پخوف من القطه
طيب ابعتي بس القطه دي لحسن الحيوان يطول يا حبيبتي أخذي الشړ يا بسنت الله يرضي عليكى يا حبيبتي انا فتنت عليكي في اي بس يا حبيبتي انا والله ما قولت عليكي
بسنت
اومال مين عرف مامى إن فيه انسان اسمه عدى ها عم محمد البواب مثلا ولا اى انتي بتقرطسيني يا بت
منار بړعب
هقولك الحقيقه هعترف قبل اول عضه صدقيني انا هقولك اصل مامتك كانت عايزه تطمن عليكي وقلقانه
قاطعتها بسنت بتقليدها
وانا يا بسنت حاولت اطمنها بس والله هي قالتلي في حد في الكليه كده ولا كده قولتلها آه
منار بفخر
طب والله وفرتي عليا حبه كلام
بسنت وهي بترمي عليها القطه
عيله خسيسه اغرتك ب صنيه كفته آه يا قذره يا كرش انتي عباره عن كرش بس والله
آخر مره والله مش هعمل كده تانى ابوس ايدك ابعديها عني عندى حساسيه عندي حساسيه
شالت بسنت القطه من عليها ودخلتها اوضتها
بسنت
ادخلي الصينيه مكرونه بالبشاميل جوا متخلصيهاش كلها بس
منار وهي بتجري
عيب عليكي متقوليش كده هاخد حته صغيره خالص هدوق بس
بعد شويه خرجت منار بصنيه المكرونه بالبشاميل وقالتلها
منار
تعالي نتكلم بصراحه انتى معجبه شويه صغيرين مش هنقول كتير ب عدى صح متكذبيش عليا ده انا ستر وغطا عليكي
بسنت بسرحان
بصى هقولك هو شويه بس مش اوي آه يعني مش واقعه اوى بس حابه تفكيره وكمان أسلوبه حلو وثقافته اهم حاجه الثقافه اكيد ثقافته حلوه ودماغه حلوه فهمانى
حلوه اوى فعلا
بسنت بابتسامه
فعلا حلوه اوى
قاطعتها منار
امك عليها صينيه مكرونه بالبشاميل خطيره خطيره خطيره
بسنت بقرف
ركزي معايا يا زفته هييح بصي شكله كمان لطيف ومحترم اوى وعارفه حالتى ومتفهم ده جدا بس الفكره بقي هل هو بيبادلني نفس الشعور ولا لا انا مش عارفه في شعور متبادل ولا مفيش فهمانى
منار
انتي بتهزرى ده حتى الكليه كلها بتتكلم عليكم سيرتكم بقت في كل حنك يا أختي كل الناس بتقول إنكم مرتبطين الناس شكوا فيكم يا عسل خدى بالك بقي هو لو عاوزك هيجي يخطبك من بيت أهلك متعلقيش نفسك اكتر
طيب هيجي يتقدم ازاى بس بسبب المخفيين الي جمبنا دول انتى فكرك لو جه واتقدم عمى والعبيط ابنه هيسكتوا تبقي عبيطه انا بجد محتاره اوى وخاېفه فعلا اتعلق وخلاص خاېفه يكون ده حلم أو شعور من طرف واحد فهمانى مش عارفه اتصرف ازاي الصراحه انا حبيته شويه حبيت اهتمامه بيا ولهفته عليا تفتكري بيحبني فعلا
منار
هقولك حاجه وده الي مطمني شويه عدى محترم يعني مش معروف عليه إنه بتاع بنات ولا سيمب ولا الحاجات دي بالعكس بيقولوا محترم اوي وأخلاقه كويسه ف لو هو حاسس بشعور تجاهك هيكلم والدتك ويا ستي انتي بتقولي اهو إنه عارف حالتك اى يعني هيتصرف بحكمه وهيتصرف صح متقلقيش اهم حاجه بس علشان تعرفي ازاي أنه بيحبك اختفي فتره من الكليه وهو عارف عنوانك ف اكيد لو مهتم هيجي أو حتي هيكلمك ولو مش مهتم ف صدقيني البعد احسن ومتعلقيش قلبك ولا نفسك اكتر من كده يا بسنت وده لمصلحتك انتي عارفه اني بحبك زي اختي واكتر والله لو لقيت إن كده حل لكنت روحت بنفسي وقولتله لو بتحبها تعالي اتقدملها لكن انا مش حاسه انك تبدأى انتي اعملي لنفسك تقل
بسنت بتفكير
طيب وعمار تفتكري هيسكتوا اكيد مش هيسكتوا يا منار دول ممكن يأذوه يا بنتي
منار
لو شافوا إن في راجل واقفلهم مش هيقدروا يفتحوا بقهم كانوا قدروا وابوكي عايش يختي لكن طول ما انتي مش معاكي راجل كده لا اب ولا أخ ولا زوج ولا خطيب حتي هيسوقوا فيها كمان وكمان علشان محدش واقفلهم بجنيه فهمانى
