الجن العاشق _كامله_حسن الشرقاوي

قالت
يا خرابى..هو دا اللى كنت خاېفة منه..جوازك من بيسوا هيخلى الجن العاشق دا يبعد عنك
تبص لبويا و تزعق
احنا لازم نجوزها فى اقرب فرصة
و قبل ما اعترض
قال ابويا
انتى بتقولى ايه يا ولية..بنتك مش صغيرة
و مسكوا فى خناق بعض
سبتهم و انا متعصبة و مش مصدقة نفسى ان فى لحظة الدنيا كلها معايا و فى اللحظة التانية اتخدت منى
دخلت اوضتى..
و انا مقهورة و مفطورة من العياط
و مخدتش بالى
ان باب الاوضة أتقفل لوحدة..
و ان فى حد مستنينى جوا
قبل ما انتبه انى مش لوحدى..
كان كل حاجة تمت بسرعه..
زى ما يكون هواء بارد تلج..ملى الاوضة..و انا اتشليت فى وقفتى 

مقدرتش اتحرك
و شيفاه بيخرج من ورا الباب المقفول
طويل عريض مزغب بشعر اسود ناعم
عيونة قوية
قرنيه صابغهم بالاحمر القانى
حاولت اصړخ
مقدرتش
كأن الخناق اللى بين ابويا و امى..مديلة قوة زيادة
طاقة سلبية
مع احباطى و عياطى و حالتى النفسية السيئة
زودت الطاقة السلبية
قرونة مش مصبوغة
قرونة جمر من ڼار..
كان الجن..فى اقوى حالاته
و انا فى اضعف حالاتى
قرب منى
و على وشة ابتسامة ماكرة
ظافرة
رفع ايده فى الهواء
و همس
مش قلت لك انك ليا
كنت عاوزة اصړخ
مقدرتش
حط ايده على كتفى..دافية..فيها قوة..جسمى كله اتنفض
و انا عارفة الخطوة التانية هتكون ايه
حاولت اتكلم
استغفر
استنجد
افتكرت غلطاتى كلها
مر شريط ذنوبى و عصيانى قدام عنيا
حتى امبارح لما صليت و ربنا حمانى
بسرعه انقلبت تانى لحالتى الاولنيه
بدأ يحضنى.
و يتحسسنى بايده الدافية
يارب الحقنى ماليش غيرك
كان قلبى بينادى و كيانى كله بينادى
حسيت بالجن..ا
لالالا..
حساه بيدخل تحت جلدى
و بيهمس
هنبقى واحد يا اسراء
و اخيرا
فكة عقدة لسانى
و اتفتحت شفايفى
على صړخة استنجادى
لكن بعد فوات الاوان
اتاوووووووب جااااامد..
ياه اما ليلة
نمت لما شبعت نوم
حتى خناقة ابويا و امى مش فاكرة خلصت على ايه
كل اللى فكراه..حاتم وبس
حتى انى حلمت امبارح انه كان معايا فى الحلم و بنتجوز كمان
فطرت و انا حاسة بكسل لذيذ و جسمى تقيل
امى قالت قبل ما امشى على الشغل
خلاص يا اسراء انا اتفقت مع بيسوا انه هيلبس دبل الخميس اللى جاى
ماردتش عليها
كنت حاسة انى منسجمه مع الحياة
ابتسمت و ودعتها
حتى امى بصت لى بدهشة
و نزلت نط من على السلم
للشارع
و تحت اشعة الشمس مكنتش واخدة بالى ان ضلى ليه قرنين..
اكيد بيتهيئالى..!!!
حضنت حبيبة و بوستها
حبيبه
جاية مبسوطة و مفرفشة ليكى حق
ضحكت و سالتها
اشمعنى
عرفتى ان الدكتور حاتم سال عليكى اول ما جه..قالك ايه بعد ما وصلك
طلعت لسانى وقلت بشقاوة
مش هقولك
رخمة
عملت شغلى النهاردا فى المستشفى و انا مبسوطة اوى معرفش من ايه
لغاية ما قابلت دحاتم
و سالنى
قلتى ايه ف اللى قلتهولك امبارح
بصتله جامد..
و معرفش..
وشة مختلف..قبيح..حاسة ان فتحتين مناخيرة وسعوا اوى..و الشعر خارج منهم
و فى زى عماص فى زواية عنيه
يععععععععععع
قرفت منه اوى
حتى انى رجعت لورا و بصيت فى الارض مش قادرة ابصلة
زى ما يكون جيفة كلب
كانت ريحة نتنه صادرة منه
و جاوبتة
فى ايه تقصد
قرب منى و همس
انا بحبك
يييييييييييع
الريحة
رجعت لورا..
و قلت
و انا مبحبكش
يالهوى ازاى قلت كدا..
ازاى هديت احلامى بكلمة 
و قلتها بجلافة
وشة اتمقع و اغمق
و مستنتش اكتر من كدا ريحتة قلبت بطنى..!!!
و مشيت..بل جريت
ياه..
ايه اللى جرالى
حاتم دا امور
و كنت بمۏت فيه
و فجأة
افتكرت اللى حصل امبارح
بعد ما دخلت اوضتى معيطة و خناقة اهلى
الجن كان مستنينى
و....
لبسنى
و اكتشفت كل حاجة
انا..
انا..اتلبست
قالت حبيبه
لا يا اسراء ماتقوليش كدا ابدا..هو اللى بيتلبس بيعرف انه اتلبس..انتى بس تلاقى موضوع قراية الفاتحة مع بيسوا الميكانيكى هو اللى مضايقك
مردتش ادخل معاها ف جدل
مش هتفهمنى
حبيبة دماغها فاضية و على قدها
و مرة واحدة
حسيت بان دماغى تقيلة
و قعدت اتاوب كتير
و عنيا دمعت
حبيبة ايه يا بنتى هتنيمينا معاكى
ههههههههههه مع انى نمت لما شبعت نوم..بقولك انا هقوم انام شوية
هى نص ساعه و هصحيكى
طيب
و ريحت على السرير الصغير اللى ف اوضة الممرضات و بسرعه نعست
لقيت نفسى فى حلم جميل
زى ما اكون فى جنينة على النيل و اشجار كتير حوالية
كنت انا مع ابويا
و ابويا شكله اصغر من حقيقته
و كان ماسك ايدى
و بيجرى على خفيف
و انا بجرى معاه
و مبسوطة
و جينا جنب شجرة
سندنى عليها
همست
عاوز ايه يا بابا
عنيه..
عنيه عنين الجنى
قالى فى مكر و صوت واطى
عااوزك
قمت من نومى عرقانة
جسمى همدان
حسة بانى مش كويسه
ريقى ناشف
ابويا..
و المرة اللى فاتت كان حاتم
الجن..بيتقمص شخصية ناس اعرفهم
يالهوى ليكون عمل فيا حاجة بجد
دخلت حبيبة الاوضة و قالت
كويس انك صحيتى..انا كنت جاية اصحيكى
اتعدلت فى قعدتى وقلت
بت يا حبيبه..جالى تانى
هو مين
الجن...!
طلعت البيت و انا دماغى فيها الف حاجة..
كنت