الخائنه_الجزء الاول_بقلم هويدا زغلول
انت في الصفحة 1 من 4 صفحات
في البدايه اعرفكم بنفسي أنا عمر عندي 40سنه متجوز وللاسف عندي مشاكل في الخلفه
وفي يوم مراتي مها كانت عند امها ووافقه معاها في المطبخ وقالت لامها
مها
يا ماما حرام عليكم اللي بتعملوا فيا ده
انا برضه من حقي اكون ام
الام
ارضي بعشتك يا مني جوزك طيب وبيحبك
بلاش تخسري مانتي شايفه عيال اختك مطلعين
عنيها اهو لا اللي عنده عيال مرتاح ولا اللي ما عندوش مرتاح
مها
يا ماما انا من حقي اكون ام انما انتم فرضين عليا عمر وانا بصراحه تعبت من حياتي دي
الام
تصدقي يا بنت انتي انتي عايزه واحد زي جوز اختك يصبحك بعلقھ ويمسيكي بعلقھ زي اختك سما
مها
خلاص يا ماما مش عايزه اتكلم في حاجه
انا بفضفض معاكي من خنقتي بس انتي
مش عارفه مالك عامله ليه كده معايا
الام
بقولك ايه خدي خرجي الاكل بسرعه علشان ابوكي جعان من بدري وبعدها خرجت
الاكل وتلفونها رن وكانت بتتكلم عن الشباك
الاب
خير يا حبيبه بابا مالك واقفه على جنب ليه كده
مها
معلش بس يا بابا اصل بكلم مروه صحبتي
ومافيش شبكه
الاب
طب يلا علشان الحق معاكي علشان اكيد عمر هيتصل دلوقتي ويقولك يلا انزلي
مها
الام
الا البنت مروه دي بقالنا كتير مشفناهاش ليه مها مبقتش تيجي عندنا هنا
مها
مسؤوليه بقى ماما برده ربنا يعينها على بيتها وعيالها
الاب
عقبال يا حبيبتي ربنا ما يرزقك كده وتبقي امي انتي كمان ومشغوله مع عيالك
مها
كويس يا بابا ان انت فتحت الحوار ده اصل انا عايزه اتكلم معاك فيه وبعدها التلفون رن
مها
ثواني ده عمر الو ايوه يا عمر انت فين
عمر
انا كنت بصلح العربيه عند الميكانيكي اللي قريب من مامتك ما تنزلي نروح بالمره
دي ماما لسه حاطه لغايه علشان نتغدى ما تطلع بس ناكل لقمه وبعد كده ننزل
عمر
معلش والله يا مها مش هقدر انا فعلا تعبان
اوي من الشغل ومش هقدر اطلع خليها
مره تانيه
مها
خلاص يا عمر اللي تشوفه وبعدها قفلت
معايا وقامت
الاب
يا بنتي رايحه فين هو انتي لحقتي اكلتي
مها
عمر بيقول ان هو قريب من هنا انا هنزل علشان خاطر امشي معاه
الاب
ماشي يا حبيبتي وتعالي بكره علشان نتكلم في الحوار اللي انتي كنت عايزه تتكلمي فيه
مها
اكيد يا بابا حاضر وبعدها مشيت نزلت وبعد
الام
ازيك يا عمر يا حبيبي عامل ايه
عمر
الحمد لله بخير يا ماما ممكن معلش تقولي لمها تنزل انا بقالي كتير واقف في الشارع وعماله ارن عليها وتليفونها اتقفل
الام
ايه يا عمر الكلام الغريب اللي انت بتقوله ده دي مها نزلت من بدري جدا من ساعه ما انت رنيت عليها اول مره
عمر
نعم ازاي يعني ده انا كنت عند الميكانيكي وواقف من بدري وهي مش جت ولا رنت
الام
هتكون راحت فين اقفل كده ارن
