حمل اسود _الحلقه السادسه _بقلم مصطفي

رواية حمل اسود الجزء السادس
اعرف مكتبة على اول الشارع اللى ساكنة فيه وطبعا معرفتى بيها سطحية كل اللى اعرفه هو ابن صاحب المكتبة اللى كان حابب ينام معايا مرة وانا طبعا فى الاول عملت فيها شريفة لانى محبتش اعرف اى حد من اهل المنطقة طبيعة شغلى لكن بعد كده مقدرتش اقاوم جماله ونمت معاه مرة واحدة بس .
ابوه راجل كبير فى السن واول لما دخلت عليه تقريبا معجبوش لبسي ولا اى حاجة وبصلى بقرف كده قولت ماعلينا واديته الورقة اللى فيها اسم الكتاب قالى دورى عليه هناك دخلت بصيت على الكتاب ملقتهوش لكن لقيت ابن الراجل بص فى الورقة وقالي

.. انا مستعد اجبلك الكتاب ده ومترجم كمان لحد عندك بس ليا شرط واحد
ايه هو
.. عايز انام معاكى تانى لانك عجبتيني اوى المرة الاولانية
هاتلى الكتاب ونبقى نشوف الموضوع ده بعدين
.. لا اوعدينى وانا هجبهولك
اوعدك بس هاته على طول علشان محتاجاه
خرجت من المكتبة وروحت على البيت نمت على طول لان جسمي بجد كان متكسر والساعة 3 بليل سمعت صړاخ وصوت عالى من كل مكان فى البيت لبست حاجة على جسمى وفتحت الباب بسرعة افتكرت فيه حريقة او زلزال لقيت الجيران كلهم نازلين من على السلم جري 
برضو مفهمتش ليه دخلت بسرعة كملت باقى لبسي وانا نازلة على السلم لقيت الستات جيرانا نازلين بقمصان النوم حتى محطوش حاجة على جسمهم والرجالة نفس الكلام سمعت واحدة بتقول لجوزها والله شوفته بعينيا مش انت كمان شوفته وكان باين عليها جدا الارتباك.
اول مانزلت الشارع ويادوب كنت على باب العمارة لقيت واحدة شاورت عليا وبتقول هي البت الملعۏنة دى السبب هي السبب جوزها شخط فيها وقالها مالهاش ذنب اكيد العمارة فيها حاجة وهي اللى اټأذت وجت فى الرجلين .
سالتهم فى ايه قالولى كلنا شوفنا الامۏات اللى فى عيلتنا يااميرة الامۏات اجتاحت العمارة ربنا على المؤڈى اللى عمل فينا كده
واحدة منهم بصت عليا وټفت عليا وقالتلى انتى لازم تمشي من هنا ونخلص منك ونرتاح من قرفك عيطت وطلعت جري على الشقة كلامها كان مؤذى جدا بالنسبالى دخلت على السرير وحطيت المخدة فوق راسى علشان مسمعش اى حاجة منهم 
لكن طبعا سمعت صوت رجليهم وهما طالعين بيوتهم تانى وبيصبروا بعض ان ممكن يكون ده خيالات او حد عامل عمل لسكان العمارة وانهم هيشوفوا حل وفى وسط كلامهم فضلت برضو جارتى اللى ټفت عليا دى ټشتم عليا وتخبط على باب شقتى وترزع فيه.
حسيت بحركة مش طبيعية فى بطنى اول مرة فى حياتى اشوف اللى جوه بطنى وانا متأكده انه مش تهيؤات بطني صغرت خالص رغم انى فى الشهر السادس وحسيت بالم فظيع كانه طلق للولادة نزل من