معرفش حامل من مين _الحلقه الاولي _بقلم هويدا زغلول

انا مش عايزه يقعد في البيت يا ستي انا عايزه اكون قاعد مع مراتي لوحدي يعني
امال 
طب اصبر يومين بس لما اروح احاول اتكلم على البنت اجي دي واخليها تحاول تتجوزه وكده كده عندها شقه قافلاها وقاعده عند حماها
سيد 
علشان تعرفي ان انا بحبك هقول لك ماشي حاضر بس هم يومين بالعدد بالضبط وبعدين يمشي من هنا انا مش عايزه يفضل موجود
امال 
طول عمرك حنين ربنا يخليك ليا يارب وبعدها خرجت
عماد 
بقولك ايه يا ماما اخش المطبخ كده اعمليلي اي حاجه وكلها مش عايزه اقولك ان انا جعان ازاي
امال 
اسمع يا عماد بقى مينفعش قعدتك دي عندي كده كتير حاول تشوف هتعمل ايه في مشكلتك
عماد
يعني اعمل ايه يا ماما انتي عارفه ان مرتبي يا دوبك مكفيني بالعافيه سجاير واكل مش هقدر اشوف شقه واجرها يعني
امال 
حاول تشوف هتعمل ايه مع البنت ايه دي خليها ترجع شقتها تاني وتحاول تتكلم معاها
عماد 
مندي الصبر يا ماما انتي اللي رفضتي ان انا اتجوزك كان زمان الموضوع كله محلول دلوقتي
امال 
كان هيكون محلول ازاي سبع البرمبه ما كانت هتفضل عايشه معايا هنا في الشقه المهم انت 
لازم تتصرف وتشوف حل في الحوار ده
عماد 
عالعموم سبيني انا هتصرف وفي يوم لقيت 
اميره بترن عليا
ايه 
ازيك يا اميره عامله ايه وحشاني قوي يا حبيبتي ايه مال صوتك متضايق ليه كده
اميره 
انا متخانقه مع جوزي شويه ومش لاقيه اي مكان اروحه مش عارفه اتصرف ازاي يا ايه
ايه 
يا نهار ابيض طب انتي هتروحي فين دلوقتي يا بنتي هتسافري لاهلك الصعيد ولا ايه
اميره 
انا متصله بيكي عشان اقولك هو انا ينفع اخد مفتاح شقتك واروح اقعد فيها يومين بس لحد ما تصالح انا وهو
ايه 
طبعا يا حبيبتي ينفع روحي هناك وانا هاجيلك على الشقه على طول ونشوف حل الموضوع ده
وفعلا روحت واتكلمت معاها
ايه 
معقوله يا بنت انت هو انت عبيطه علشان تسيبي بيت جوزك عشان موضوع تافه زي ده
اميره 
بقولك ايه انا جعانه قوي. جبت فراخ مشويه 
سيبك منه بقي وتعالي ناكل
ايه 
طيب انا مش هينفع ابات معاكي هنا انا يا دوبك بس هروقلك الشقه وامشي علشان خاطر حمايا عايزني اروح البيت
اميره 
حبيبتي والله مش عارف اشكرك ازاي وفعلا 
كلت وبعدها نمت واميره مسكت التلفون
وقالت
اميره 
خلاص نامت اطلع بقى بسرعه