اتجوزت في بيت عيله واللي حصلي _قصه كامله

_اتجوزت في بيت عيله واللي حصل..
_قبل ما نحكي حكايتنا النهارده اعرفكم علي بطلتنا النهارده واللي اسمها هبه وعمرها تلاته وعشرين سنه عندها اخ اصغر منها واهلها ناس طيبين اووي..
_وفي يوم كانت قاعده مع مامتها ودخل باباها وقعد معاهم وقال..
فتحي 
بقولكم ايه يا جماعه الست ناهد مرات الحج سيد جايه بالليل تشوف هبه..

هبه 
وتشوفني ليه يا بابا..
ضحكت منال مامتها وقالت 
هتكون عايزه تشوفك ليه اكيد عايزه تاخدك لابنه هو رجع من السفر يا فتحي
فتحي 
لا لسه بس هي الست بعتت جوزها وقالي انها جايه تشرب الشاي معاكي وتشوف هبه لحسن..
منال 
طيب علي بركة الله ربنا يجعله خير ان شاء الله..
_وبالليل جات ناهد ام حسن ومعاها بنتها الكبيره المطلقه وقالت..
ناهد 
بسم الله مشاء الله يا ست منال بنتك زي العسل كنتي مخبياها عننا فين بس
منال 
انتي عارفه بقي يا حبيبتي احنا لا بنطلع ولا ندخل وبنتي كانت بتروح من الكليه للبيت والبيت للكليه..
ناهد 
تسلمي يا اختي يا زين ما ربيتي المهم ندخل في الموضوع انا ابني حسن مسافر في الاردن والله واكبر عليه هو اللي فاتح البيت لينا وبيصرف علي الكل وربنا مكتر رزقه..
منال 
ربنا يوسع رزقه بالحلال يا حبيبتي ويباركلك ويفرحك بيه يارب..
ناهد 
ما اهو احنا جايين هنا عشان نفرح بيهولو في قبول بينا هو هينزل كمان شهر نكتب الكتاب ونفرح ..
منال 
هو احنا نلاقي احسن من. الاستاذ حسن ده احنا ربنا يزيدنا شرف..
ناهد 
يبقي علي بركة الله انتو فكرو والحج هيقابل الاستاذ فتحي وياخد منه الرد..
منال 
اللي فيه الخير يقدمه ربنا علي فين بس ما انتو منورينا..
وقفت ناهد وبنتها وقالو
مره تانيه ان شاء الله..
بعد ما مشيو سالت منال بنتها وقالت
ها يا هبه ايه رئيك..
هبه 
رئيي في ايه يا ماما بس هو انا شوفت العريس لتكوني عايزاني اوافق علي اساس الكلمتين اللي سمعتهم من امه عنه..
منال 
يا بنتي ابقي خدي رقمه من امه وكلميه واعرفو بعض بس اوعي تضيعي فرصه زي دي من ايدك ده هو اهو اللي بيصرف وكبير البيت وانتي لما هتروحي هناك هتبقي الكل في الكل...
هبه 
ان شاء الله يا ماما اللي فيه الخير يقدمه رينا..
_ومع الحاجه منال علي هبه وافقت علي العريس وامه اديتها رقمه وهو اللي كلمها اول مره وحست انه فعلا حد فاهم ومتعلم ومحترم جدا في كلامه ومع الوقت حبت الكلام معاه وارتاحت للموضوه..
_وبعد شهر جه حسن من سفره وجاب هدايا كتير لاهله واكتر لهبه خطيبته..
وقالت سهي اخته بضيق 
بقي كل ده لهبه واحنا شوية الحاجات دي..
ناهد 
خلاص يا سهي اخوكي اول مره يشوفها ولازم يروح بقيمته..
حسن 
وانتي يدايقك في ايه يا سهي اني اودي لخطيبتي الحاجات ديانتي طلبتي مني حاجه من لما اطلقتي وانا قولت لا..
سهي
وانا ايه اللي يدايقني يا اخويا يا حبيبي انا بس خاېفه ليطمعو فيك..
ابو حسن 
ما تخافيش علي اخوكي يا سهي ده راجل اد الدنيا والبنت خطيبته واهلها ناس طيبين..
لوت سهي بوزها وقالت 
هه طيب اكيد يعني اللي انتو شايفينه صح..
_وعدت الايام وجه الفرح وكانت هبه مبسوطه اووي بحسن وانه كويس معاها وتاني يوم فرحهم صحيت سهي من نومها لقيت ناهد بتجهز في الفطار..
سهي
ايه الاكل ده كله يا ماما انتي عازمه حد ولا ايه..
ناهد
ده لاخوكي وعروسته انا مش هستني امها لحد ما تجيب انا هفطر ابني بنفسي..
سهي
والله يا ماما اعملي اللي يريحك بس انتي اللي هتندمي في الاخر
ناهد
ليه يا بنتي بس كده ربنا ما يجيب ندم ولا حاجه..
سهي
هو انتي فاكره لما هتفضلي تدلعي فيها وتريحها كده هي هتحبك لااا دي هتتبعتر عليكي واول حاجه هتعملها انها هتاخد حسن ويسافرو مع بعض..
ناهد 
طيب يا ريت والله اهو ابقي مطمنه علي اخوكي ان معاه حد ياخد باله منه ويشوف طلباته وهو في الغربه..
ضحك سهي وقالت
ههههههه مش بقولك انك طيبه يا ماما ما هي لو اخدته وسافرت هترجع مصر تاني ليه ده غير انها مش هتخليه يساعدنا ولا يصرف علينا وتقطعه مننا..
ناهد 
ياللهوي ده لو عملت كده اروح فيها هو انا حيلتي غير حسن ده احنا مسندوين عليه بعد ربنا..
سهي 
يبقي تسمعي كلامي اللي اقولك عليه وتنفذيه يا ماما عشان نحافظ علي حسن والبنت دي تعرف انها مش هتاخده مننا وان امه واهله عنده اهم من