صعيدي وبنت البندر_الجزء الاول _بقلم هويدا زغلول

أوضة عاصم بيخبط
عاصم بهدوء
اتفضل... كان بيتفرج على فيلم الشموع السوداء.
سارة
ده انت غاوي افلام قديمه بقى.
عاصم
لا ده ظهر قدامي صدفة وقلت اسيبه 
عشان فيه كم اغنيه بيعجبوني.
سارة
ايوه انا عارفه اغاني الفيلم ده كله لا تكذبي وحياه اللي فات اغاني جميله جدا... بس اعتقد ان الفيلم ده ما اشتغلش قدامك صدفه لان الفيلم ده شغال على فلاشه. واضح انك بتحب النوعيه دي من الافلام.... على العموم انا جاي اقول لك انا اسفه بس وربنا ما اقصد اي حاجه.
عاصم
على فكره انت كبرت الموضوع يا ساره انا بالنسبه لي عادي ما فيش اي حاجه عادي يعني بس حسيت ان احنا نتاخر فقلت يلا بينا.
ساره طب يلا بينا
عاصم 
يلا بينا على فين
سارة
هنتغدى... مرات عمي النهارده عاملة كل الاكل اللي انا بحبه انا ما كنتش هاكلك معايا بس صعبت عليا...
عاصم
لا فيك الخير قلبك ابيض.
ساره
بس مش غريبه يعني ان مرات عمي تعرف الاكل اللي انا بحبه وهي اول مره تشوفني ده واضح ان في حد كان مراقبني بقى وعارف انا باكل ايه.
عاصم
ها لا عادي ما هو يمكن تكون عملت صدفه.
سارة
انا برده بقول صدفه حتى المكرونة البشاميل... برده صدفه دي حتى ورق العنب صدفة
عاصم
على فكره كل ده عادي جدا انت ناسيه انغام على ايه صدفه بتجمعنا صدفه بتفرقنا وعلى قد ما بتفرحنا على قد ما بتوجعنا.
سارة
كمل صوتك حلو قوي.
عاصم
بجد
سارة
اه والله بجد كمل
عاصم
نتقابل في الحقيقه نتقابل في الخيال ونتوه عن بعض لكن.......
الجد
ما لكنش ولا حاجه يلا عشان نتغدوا.
عاصم
ليه الاحراج بس ده يا جدي دايما كده كاتم على موهبتي...
الجد
صوتك بيصدعني وبلم علينا الناموس والدبان واحنا مش ناقصين هيبقي صيف وناموس ودبان وفوق ده كله معاهم صوتك.
سارة فضلت تضحك بصوت عالي
عاصم
فرحانه قوي بتريقة جدي عليا طيب مش هغنيلك تاني
الجد
يبقي ربنا بيحبها..
نزلوا كلهم عشان بتغدوا مع بعض...
الجد
ايه رايك يا ساره بكره تروحي مع مرات عمك تحضروا فرح...
سارة
بجد انا نفسي من زمان قوي احضر فرح صعيدي
الام
. خلاص بكره هنروح فرح بنت الحاج شعبان....
عاصم
هناك بقي هتسمعي اغاني... عمرك في حياتك ما سمعتيها..
سارة
على فكره انا قريت كتير عن الصعيد وافرح الصعيد وحافظه معظم الاغاني اللي فيها...
الام
وانتي علي كدة حافظه اغاني زي ايه.
سارة
يعني مثلا زي اغنيه عندي بيت طنط ام فاروق. اغنيه عند بيت طنط ام صلاح...
الام
مين طنط دي يا بنتي.
عاصم
دي مكان كده جنب طنطا.... ويا ريت يا سارة بعد اذنك اي اغاني حافظاها عن الصعيد ما تقوليهاش....
سارة
على فكره انت حقودي.
عاصم
جدا وكمان من اعداء النجاح.....
في اليوم الثاني ساره بتلبس جلابيه صعيدي وبتروح مع ام عاصم الفرح....
واحدة من المعازيم بتغني
حلاوتك يا ستفندى يا بن عم البرتقان يا حلاوتك وانت طارح فى الجنينة في الأوان
عروستنا ف بيت أبوها أربعه بيزوقوها
وعريسنا يقول هاتوها دى وحشانى من زمان
يا حلاوتك يا ستفندى يا