بعد ما ولدت حماتي رمت بنتي للكلاب_الجزء الثاني_بقلم رحاب القاضي
انت فاهم ولا لا قبل ما تيجي وتقولي انك عايز تتجوز اصرف علي نفسك بدل ما انت لسه بتاخد مني المصروف...
خالد بحزن
يعني هو انا حرام احب وابقي عايز اتجوز البنت اللي بحبها..
روحيه
ايوه حرام انت لسه صغير مش هتعرف تشوف المناسبه ليك من اللي مش مناسبه ليك وانا وابوك نفهم اكتر منك وعارفين مصلحتك فين..
انا غلطان اني جيت اتكلم معاكم وافتكرت انكم ممكن تفهموني..
ودخل جوه ومحمد قال بعصبيه
اول واخر مره يا واد انت تتكلم كده معانا والا اقسم بالله اقوم اا..
روحيه بهدوء
خلاص بقي اسكت ووطي صوتك هو دخل جوه..
وتاني يوم انا فضلت اكلم خالد بس ما كانش بيرد عليا وبعد ما امي وابويا واخواتي راح كل واحد فيهم لمصالحه الباب خبط انا فكرتها امي او ابويا نسيو حاجه وراجعين ياخدوها ولما فتحت لقيته خالد..
خالد انت ايه اللي جابك هنا امشي بسرعه قبل ما حد يشوفنا..
دخل وقفل الباب وقال
مش همشي يا ساره انا بحبك وعايز اتجوزك..
فرحت وقولتله
بجد يا خالد وانا كمان والله و...
خالد. بحزن
ما حدش هيرضي كلهم هيقفو ضدنا عشان انا لسه طالب وانتي اا..
ساره بدموع
عشان انا مش متعلمه وانت هتبقي مهندس هما معاهم حق امشي يا خالد خلاص كل واحد بياخد نصيبه..
بس انا عندي حل احنا نتجوز في السر بصي انا جيبت عقدين جواز رسمي مش عرفي ولا حاجه وكمان اتنين من صحابي مضو عليهم كشهودتعالي نتجوز وفي الوقت المناسب نن..
ساره
لا طبعا انت ايه البي بتقوله ده انت ما تعرفش انا اخواتي وابوياممكن يعملو فيا ايه..
خالد پحده
بطلي خوف بقي انتي كمان يا ساره انا مش هسيبك وهتجوزك رسمي والله بس ده الحل الوحيد...
لا لا انا مس موافقه يا خالد خالص مستحيل اعمل كده..
خالد اتعصب وقال
ماشي يا ساره اللي انتي عايزااه اعمليه وانا مش هكلمك تاني وكل حاجه خلصت وهتجوز بنت خالتي زي ما هما عايزين..
وسابني ومشي وانا فضلت ابكي ومن كتر الحزن اللي جوايا تعبت وما قدرتش اعمل اي حاجه في البيت ولما جات امي عشان تاخد الغدا ولقيتني نايمه زعقت فيا وقالت..
انتي يا بنت انتي ايه الدلع اللي بقيتي فيه ده اخد لابوكي ايه دلوقتي بتغدا ولا اخواتك اللي جايين كمان شويه..
ساره پبكاء
انا تعباانه يا ماما تعباانه اووي...
سماح
انا هروح اودي لابوكي اي حاجه واجي اجهز لاخواتك الغدا..
ساره بعصبيه
يا ماما انا بقولك تعباانه ليه مش پتخافي عليا وي اخواتي وتقعدي جنبي زي ما بتعملي معاهم وتقوليلي مالك ايه اللي تاعبك ...
سماح
امسكي البرشامه دي هتخليكي تخفي انما الدلع الفاضي ده وانك تحطي راسك براس اخواتك الرجاله مش بحبه وانا هجهز الغدا والباقي عليكي هو انا هلاحق علي ايه
