بعد ما ولدت حماتي رمت بنتي الجزء الاول بقلم رحاب القاضي
انت في الصفحة 4 من 4 صفحات
ده انت عرفت اسمي منين..
خالد.
كنت بسمع مامتك وهي بتناديلك او حد. من اخواتك اسمك حلو اووي...
_وفضلت اليوم ده اتكلم معاه شويه ودخلت نمت وكنت مبسوطه جدا انا اصلا ما بقتش اكون مبسوطه غير لما اتكلم مع خالد...
وتاني يوم قومت وانا مبسوطه وجهزت الفطار وكنت متحمسه اووي وبعدين لما البيت فضي روحت شغلت الموبيل وفضلت اسمع المسلسل اللي عايزاه وفجاه لقيته بيرن ما رديتش علي اللي بيرن وبالليل دخلت البلكونه وقولت لخالد..
كويس اني لقيتك الموبيل كان بيرن الصبح علي الساعه 11 كده وانا خۏفت جدا وو..
خالد
اهدي يا ساره ده انا كنت بكلمك اطمن عليكي اصلا الخط اللي في الفون ده مش عليه غير رقمي انا وبس..
ساره
طيب كنت سجلته وعلي فكره انا مش بقدر اقرأ كويس عشان اا..
خالد.
اتكلمي يا ساره من غير احراج احنا اتفقنا اننا صحاب..
انا اخدت الابتدائيه وبعد كده ابويا رفض يخليني اكمل تعليم عشان اساعد. امي وابقي ست بيت..
خالد.
طيب والله ابوكي ده راجل بيفهم انا اصلا عايز مراتي تبقي ست بيت مش متعلمه زيك كده بالظبط...
اتوترت اوووي ودخلت جوه بسرعه بس فضلت اضحك وفضلت اتخيل نفسي وانا بالفستان الابيض واتجوزتو ومن الوقت ده انا بدأت احبه واللي حصل بعدها بكام يوم وانا واقفه معاه في البلكونه..
بصي عشان وقفتنا هنا كل يوم غلط انتي ادخلي وانا هكلمك في الفون ونتكلم..
ساره
ماشي يا خالد بس هو انت بقي خاېف عليا ولا خاېف علي نفسك..
خالد ضحك وقال
ههههه لا والله تطورنا يا ست ساره علي العموم انا خاېف عليكي انتي والله...
ساره
اذا كان كده بقي ادخل واكلمك من الفون..
ودخلت جوه وهو كلمني في الموبيل وقال
ضحكت وقولتله
انا كويسه الحمد لله يا خالد انت بقي عامل ايه..
خالد
انا كويس وزي الفل مدام بكلمك هو انا قولتلك قبل كده انك حلوه اووي يا ساره..
ساره اتكسفت وقالت
ااا لو سمحت يا خالد بطل تقول كلام زي ده عشان بتكسف وانت عارف..
خالد
علي فكره بقي انا قاصد اكسفك لانك بتكوني احلي وانتي مكسوفه..
يعني انت عايز تفهمني ان انا احلي من البنات اللي عندك في الجامعه...
خالد
والله العظيم كل البنات دي ما فيهمش واحده في حلاوتك كده ولا طيبتك واخلاقك انتي قطه مغنضه يا بنتي..
فرحت بكلامه ده وفضلنا نتكلم وتاني يوم لقيت امي بتقولي انزل اجيب الطلبات من السوق عشان اخواتي مش فاضين وكلمت خالد قولتله..
هو انتي مش بتنزلي خالص من البيت..
ساره
لا اخواتي ما كانوش بيخلوني انزل بس انا مبسوطه اووي اني هخرج..
خالد.
طيب يلا اجهزي وانزلي وانا هروح الكليه بتاعتي..
ونزلت فعلا وجيبت الخضار والحاجه وانا وراجعه لقيت خالد واقف وفي ايده علبة هدايا..
ساره
انت واقف كده ليه في الشارع..
خالد
عشان اديكي دي فتكره لما قولتيلي ان ما حدش
جابلك عرويه وانتي صغيره تلعبي
بيها انا دلوقتي جيبتلك واحده..
فرحت اووي وكأني رجعت طفله وقولتله
انت بجد جيبتلي عروسه انا فرحانه اووي يا خالد..
خالد
يلا بقي خديها واطلعي فوق عشان ما حدش يشوفنا...
_ يتبعع
