مرات اخويا اكلتني رجول فراخ _الحلقه بقلم هويدا زغلول _

مرات اخويا اكلتني رجول فراخ
في البدايه انا سحر عندي 28سنه متجوزه وعايشه في بيت عيله وفي يوم طلعت حماتي وبتقولي
الحما 
جرا اي يا حلوه فيه اي هو انا هتحايل عليكي 
علشان تنزلي تشوفي الشغل اللي وراكي ولا اي
سحر 
صباح الخير يا حماتي معلش والله اخويا 
ابراهيم اتصل بيا وقالي انه جاي هو ومراته 
انهارده عندي وانتي عارفه ان هما مش بيجوا 
ليا الا كل فين وفين فقولت اعمل ليهم 
اكل
الحما 
اكل وجبتي فلوس الاكل منين يا حبيبتي اه ما انتي واخده مرتب الواد علشان تضيعيه على اخواتك
سحر 

ربنا يعلم يا حماتي انا عمري ما جيت على قرش ابنك علشان خاطر اخواتي سلسله ماما انا نزلت بعتها علشان كنت عارفه متاكده ان انتي هتقولي الكلام ده
الحما 
وانتي عملت العزومه بفلوس السلسله كلها هو انتي يا بنت عارفه الذهب بكام دلوقتي يا عبيطه
سحر
لا يا حماتي باقي الفلوس جوه شايلاها في الدولاب مصاريف المدرسه بتاعه جودي بنتي الاسبوع الجاي وانا لازم ادفعها
الحما 
طول عمري يا بت بقول عليكي يا جدعه واصيله
اكيد عامله اكل كتير مش كده بقولك اي أنا 
شامه ريحه محشي ابقي نزلي ليا طبق اصل 
البنت وفاء بنتي جايه عندنا انهارده
سحر 
من غير ما تقولي انا عامله حسابك وحسابها وهنزلك وكمان هنزلك ملوخيه وفراخ
الحما 
كثر خيرك يا حبيبتي ويخليك انتي واخواتك كده دايما سند لبعض. وبعدها نزلت وشويه وجت 
وفاء وشافت الاكل
وفاء 
معقول يا ماما عامله محشي ده انا عماله اتحايل عليك بقالي شهر نفسي فيه
الحما 
ده مش انا يا اختي دي معدوله مرات اخوك علشان اخوها جايه عندها النهارده
وفاء 
وما هانش عليها الا الشويه دول اه هي لها بركه غير اخواتها
الحما 
اسمعي يا بنت انا خليهم يتغطوا ولازم نطلع نقعد معاهم فوق علشان نعرف الكلام اللي هم بيقولوا
وفاء 
طب وهي جوزها مش فوق ولا ايه هي عامله العزومه ومحمد اخويا مش موجود
الحما 
ما انتي عارفه محمد يا عيني على طول في شغل هو فاضي المهم يلا اخلصي اقعدي 
كلي ده الاكل طمعه حلو اوي
وفي شقه يحيي اخويا
يحيي 
يلا بقى يا روان عايزين نروح بسرعه نشوف سحر عايزه ايه ونمشي انا مش فاضي
روان
ولما انتي مش فاضي وافقت تروحلها ليه بصراحه ربنا انا مبحبش اختك دي
يحيي 
عماله تتصل علي يا ستي وتقولي عايزه اشوفك ضروري ما عرفتش بقى وكل مره اقولها لا
روان
اكيد عايزه فلوس هي اختك بتعوزك ببلاش يعني عارف لو خدت فاكهه واحنا طالعين مش هيحصلك كويس كفايه الفلوس اللي انت هتديهالها
يحيي 
ما تقلقيش روان انا عامل حسابي اني مش هاخد حاجه علشان هاتيها هي 100 جنيه وبنتها 100 جنيه
روان 
ابقى اعمل كده وشوف ايه اللي هيحصلك يا يحيى 200 جنيه اللي بقى ان شاء الله هي 100 جنيه احطها في ايدي البنت وخلاص على كده
يحيي 
طيب خلاص ماشي خشي هاتي احمد مننا من جوه علشان نمشي وبعدها فعلا