كل يوم بصحا بقلم هويدا زغلول
ماقولت لك لو عايزة اي حاجة انا رقبتي سداده انتي وست البنات
صباح
حاضر يا رجب كتر خيرك ياخويا انشالله مايحرمني منك
ومشي رجب وجه الليل ونمت وشوفت في الاوضة
ناس حواليا كتير وبيقولوا كلام غريب اول مره اسمعه كلمات غريبة مش مفهومة وانا حاسة اني دايخة والدنيا بتلف بيا جامد ومش قادرة اتكلم ولا اقول حاجة وصحيت الصبح لقيت نفسي بهدوم خفيفة اوي جريت على صباح قولت لها
صباح
في ايه يابت يا رباب مالك جايه مڤزوعة كده ليه زي اللي ماتكوني شوفتي عفريت مالك يابت
رباب
شوفي انا صحيت لقيت نفسي نايمة كده بالهدوم دي وانا اصلا منمتش كده انا مين اللي قلعني هدومي
صباح
ااه اسكتي مش انتي يابت بتمشي وانتي نايمة الظاهر من ساعة ابوكي ماراح وانتي نفسيتك تعبانة انا قولت اسيبك تمشي براحتك مرضتش اصحكي اصلي سمعت ان اللي يصحى حد بيمشي وهو نايم ممكن لقدر الله يحصله حاجة فسبتك
طيب هو عملت ايه تاني اصل انا متهايلي كنت شايفه ناس حواليا عمالين رايحين جايين في الاوضة وبيقولوا كلام غريب اوي انا مش عارفه كان في ايه
صباح
لا انتي حالتك صعبه ياضنايا انا لازم اوديكي لدكتور نفساني يكشف عليكي ياحبيبتي
رباب
لا لا دكتور نفساني انا مش مچنونة ياخالتي انا بس نفسي افهم ايه اللي بيحصل معايا ده بجد تعبت اوي ياخالتي من ساعة ابويا ماراح
معلش ياحبيبتي انتي ان شاء الله هتبقي كويسة خالص بس انتي متفكريش كتير في اي حاجة عشان متتعبيش نفسيا
رباب
انتي بتتكلمي زي المتعلمين ياخالتي بالظبط انتي معاكي تعليم لحد فين بقا على كده
صباح
الا بتكلم زي المتعلمين يابت انا معايا دبلوم تجارة يعني مثقفه عالية اوي مش زيك يابت فاشلة
رباب
ههههه وانا اقول خالتي صباح نبيها اوي وبتعرف كل حاجة اتاريكي معاكي دبلوم فعلا ده انتي طلعتي اشطر مني
عايزة تروحي لأمك يا رباب هي امك كانت سالت عليكي من يوم ماخلتيها تمشي من هنا ومرضتيش تروحي معاها
رباب
معلش ياخالتي خليني اروح ازورها يمكن اخس اني مرتاحة شوية لاني مخڼوقة اوي ومش قادرة اقعد هنا في البيت ده انا هاروح بس ابات مع امي ليله وارجع لك تاني
بقا كده يا رباب عايزة تسبيني وتروحي لنعيمة مكنش العشم يا رباب ده انا بحبك يابنتي عايزة تعملي فيا كده لي وتسبيني
رباب
بس انا مش هسيبك ياخالتي انا مقدرش اسيبك ابدا انا بس عايزة اروح اطل على امي مش اكتر من كده وكمان اطمن عليها اصلي حاسه انها تعبانة شوية
صباح
خلاص ياحبيبتي روحي انا عارفه ان مهما نعيمة تقولك عليا مش هتكرهك فيا مش كده ولا ايه اصل انا عارفاها يارباب دي ممكن تفضل تزن في ودانك لحد لما الاقيكي سيباني ورايحة تعيشي عندها
انا مقدرش اسيبك ياخالتي مش هعرف اعيش غير معاكي انتي خلاص انا هاروح اشوفها وارجع علطول ومش هبات عندها خلاص متزعليش بقا
وفعلا رحت لامي ولقيتها بتقولي
انتي جايه ليه يارباب عايزة مني ايه يلا ارجعي مطرح ماجيتي
رباب
ليه كده ياما هو انا عشان جايه ابص عليكي تعملي معايا كده هو انا عملت ايه فيكي عشان تعملي فيا كده اومال لو مكنتش بنتك كنتي عملتي ايه اذا كان اللي مش مخلفاني بتعاملني احسن منك
نعيمة
وانتي صدقتي الشويتين اللي هي بتعملهم قدامك دول وانتي ياعين امك بتصدقيها وماشية
