كل يوم بصحا بقلم هويدا زغلول
حبيبتي تعالي تعرفي يا رباب انا حبيتك اوي لما ابوكي حكي لي عنك وكان نفسي اشوفك والله احسن حاجة عملتها يا ابراهيم انك جبت لي رباب
إبراهيم
انتي تؤمري ياصباح شوفتي بقا يا رباب مش انا قولت لك لما تعرفي خالتك صباح هتلاقيها حنينة وطيبة وهتحبيها
بصيت له وابتسمت وصباح قالت
خلاص بقا يا ابراهيم متكسفهاش الله
ايوه هي مكسوفة فعلا مش كده يا رباب
رباب
ايوه يابابا اصلي بصراحة متعودتش على الكلام الحلو ده شكرا ياخالتي صباح ربنا يخليكي يارب
صباح
ياحبيبتي ده انتي زي بنتي يا رباب وهتشوفي لما تعيشي معايا انا وابوكي اصل انا هاخدك تعيشي معانا ايه رايك
رباب
ان شاء الله ياخالتي صباح هعيش معاكم
ورجعت البيت وقولت لأمي
نعيمة
طيب يا حبيبتي خليها تنفعك انتي وابوكي مش انتي هتعيشي معاها روحي عيشي معاها
رباب
هو انتي هتطلقي من ابويا ياماما انا مش عايزاك تطلقي وخليكي معانا عشان انا هاجي لك هنا علطول
نعيمة
لا خليكي عند ابوكي يا رباب انا مليش اني اعيش مع ضرة ياحبيبتي وابوكي مصمم انه يتجوز
اومال امك راحت فين يا رباب
رباب
مشيت يابابا راحت عند ستي وانا قاعده لوحدي في البيت من الصبح انتو ليه هتعملو كده انا مكنتش عايزاكم تسيبو بعض
إبراهيم
ماهي امك اللي عايزة تطلق يا رباب اعمل لها ايه بس
رباب
خلاص يابابا يبقا بلاش تتجوز خالتي صباح وتخليك مع ماما احسن انتو ملكوش الا بعض وانا مليش غيركم
انا عايز اشوف نفسي يا رباب واتجوز انا اخترت صباح وعايز اعيش معاها وانا خلاص مش هينفع ارجع في كلامي معاها
رباب
خلاص يابابا اللي تشوفه اعمله عشان محدش هيدفع التمن غيري انا وبس انا عارفه
وعدت الايام وبابا اتجوز صباح وعاش معاها وماما كانت عند جدتي وفضلت صباح تعاملني بطيبة وفي يوم قالت لي
بقولك ايه يابت يا رباب ايه رايك لو اخدك وافسحك فسحة حلوه ده انا هوديكي الأهرامات
بجد ياخالتي صباح انا مش مصدقه نفسي انا من زمان وانا عايزة اروح الأهرامات دي هنروح امتى
صباح
خلاص جهزي نفسك بكرة وانا هاخدك ونروح ماشي
ورد بابا وقال لها
والله ياصباح انا خاېف لتفضلي تتدلعي في البت رباب دي كتير وتبقا متدلعه ومحدش يقدر عليها
صباح
ياخويا وماله سيبها تدلع يا ابراهيم اومال يعني لو مكنتش تتدلع وهي في السن ده هتدلع امتى بقا وبعدين ملكش دعوة انت خليك في حالك انا ورباب حرين مع بعض
مبسوطة يا رباب انا عايزاكي تعملي كل اللي نفسك فيه ده انتي حبيبتي
رباب
انا مبسوطة اوي ياخالتي مش عايزة اقولك انا فرحانة ااد ايه والله ربنا يخليكي ليا يارب
صباح
طيب بقولك ايه خليكي هنا لحد لما ادخل في الهرم ده اصل سمعت ان اللي عايزة تخلف تدخل الهرم وانا نفسي اوي اخلف من ابوكي يا رباب
رباب
طيب ينفع ادخل معاكي ياخالتي خوديني معاكي جوه نفسي اشوفه من جوه
صباح
لا لا مش هينفع تدخلي جوه انتي خليكي هنا وانا هخلص وأخرج علطول
ودخلت صباح جوه وانا فضلت واقفه بره وبعدين اتاخرت شوية وخرجت وقالت لي
يلا بينا يا رباب نمشي نرجع البيت الليل هيليل علينا
وبعدها رجعنا البيت لقيت ابويا تعبان وعمال يكح جامد قولت له
مالك يابابا انت تعبان ولا ايه في ايه
إبراهيم
مفيش يا رباب انا كويس يابنتي المهم قولي لي انتي انبسطي في الفسحة بتاعت
