كل يوم بصحا بقلم هويدا زغلول
انت في الصفحة 1 من 6 صفحات
كل يوم اقوم من النوم الاقي نفسي من غير هدوم لحد ماعرفت اللي بتعمله معايا مرات ابويا
وقبل ما بدأ حكايتي اعرفكم بنفسي انا أسمي رباب عندي 21 سنة عايشة مع امي وابويا وفي يوم ابويا قال لأمي انه عايز يتجوز وهي قالت له
انت بتقول ايه يا ابراهيم عايز تتجوز ليه أن شاء الله هو انا قصرت معاك في حاجة وبعدين ياراجل اتكسفت على دمك بنتك بقا عروسة وعلى وش جواز
الله جرا ايه ياوليه هو انا عجزت يعني يا نعيمة انا زي الفل واقدر اتجوز واحده واتنين وتلاته انا مش عجوز
نعيمة
وهو يعني عشان انت مش عجوز عايز تتجوز ياخي اتقي الله ولم نفسك من اللي انت عايز تعمله ده هو في حد في سنك بيعمل كده
إبراهيم
استغفر الله العظيم وانتي هتحرمي شرع ربنا ياولية بقولك ايه انا خلاص هتجوز يعني هتجوز انا اتفقت معاها على الجواز
يلهوي انت كمان اتفقت طيب وجاي تقولي ليه ياخويا ماكنت رحت اتجوزت وخلاص من ورايا بتقولي ليه لما انت مرتب كل حاجة
ابراهيم
انا قولت من حقك انك تعرفي اني هتجوز الله مش انتي ام بنتي يانعيمة برضو ولازم اخد رايك
نعيمة
لا كتر خيرك يا ابراهيم والله بس بص بقا ياحبيبي انا كده عايزة اطلق عشان اشوف لي واحد انا كمان واتجوزة اشمعنا انت اللي تتجوز وانا لا
اتلمي يانعيمة بدال ماقل منك انتي عارفاني كويس لساني طويل انتي هتفضل مرزية في البيت هنا وانا هتجوز اللي انا عايزها انتي سامعه ولا لا
نعيمة
طيب ودي مين دي ياخويا اللي ناوي تتجوزها دي مين اللي اتعمت في نظرها وهتبص لك دي هاا مين
إبراهيم
ياوليه اتلمي عيب عليكي الكلام اللي بتقوليه ده انا مش عايز صوتك يطلع ابدا واللي هتجوزها وقلبي اختارها صباح بنت سعدية بتاعت الخضار
يانهارك اسود ومنيل يا ابراهيم انت متلقيش غير دي
إبراهيم
مالها صباح يا نعيمة مش عجباكي ولا ايه ياوليه لا بقولك ايه انتي ملكيش دعوة هتجوز مين ومش هتجوز مين انا خلاص قررت ونويت
نعيمة
طيب يا ابراهيم قبل ماتتجوز ياخويا تطلقني الأول وتاخد بنتك معاك كده زي الشاطر انا مش هربي البت لوحدي ماشي تربيها انت ومراتك الجديدة
اخس عليكي يانعيمة عايزة ترمي بنتك كده ليه حرام عليكي والله والبت هتبقا محتاجه لك اكتر انتي عشان امها
نعيمة
مليش فيه يا ابراهيم انت تاخد بنتك معاك وانا مليش دعوة بيها خالص
قالت كلامها وسابت ابويا ودخلت جوه وانا خرجت من اوضتي وقولت لابويا
هو ايه الكلام اللي انا سمعتة ده يابابا هو انت صحيح هتتجوز واحده تانية غير ماما طيب ليه هي ماما قصرت معاك في حاجة
اسمعي يا رباب انتي يابنتي لسه صغيرة على الكلام ده انتي ملكيش دعوة باللي بيحصل بيني انا وامك وانا اوعدك ياحبيبتي انك تفضلي معايا انا وخالتك صباح مرات ابوكي وخليكي مش ناقصك اي حاجة اصل امك مش عايزاكي
رباب
بس انا عايزة اعيش مع ماما يابابا مش عايزة غيرها والنبي يابابا بلاش تتجوز واحده تانية عشان خاطري انا كده اللى هضيع وسطكم
إبراهيم
يابنتي قولت لك مټخافيش اقولك على حاجة تعالي معايا نروح لخالتك صباح وشوفيها واتعرفي عليها لو لقيتي منها اي حاجة ابقي عرفيني
وفعلا اخدني ابويا ورحنا لصباح وهي لما شافتني قالت لي
يا اهلا ياحبيبتي يا اهلا وسهلا ده القمر ده دي بنتك حلوه اوي يا ابراهيم مشاء الله عليها زي القمر
إبراهيم
طبعا ياصباح ماهي طالعه لي في كل حاجة اومال ايه
صباح
تعالي في حضڼي يا
