جهه اتصال غريبه

جهة_اتصال_غريبة
كنت قاعد في الكافيه قبل ما اروح شغلي باخد القهوة بتاعتي زي كل يوم وفاتح كل الكاميرات عشان اشوف كل واحد في شركتي بيعمل ايه .. وبدأت اسجل كام ملاحظة كدا عشان اعاقب اصحابها ..
هيثم بقاله نص ساعة بيفطر ومعطل الشغل آلاء بتتكلم في التليفون مهاب دخل الحمام واتأخر أوي ..
قفلت كاميرات الشغل وفتحت كاميرات البيت حبيت اشوف مراتي وبنتي بيعملوا إيه ..

منة رجعت من كليتها ومامتها لسه خارجة من البيت زي ما قالتلي رايحة تزور نيفين صاحبتها ..
أنا متعود أدور كل الحياة حواليا من مكاني وانا فاتح اللاب توب بتاعي وبشوف كل حاجة في كاميرات المراقبة ..
بس فجأة جاتلي رسالة على واتس آب .. رسالة من رقم غريب غير مسجل ..
الرسالة كانت عبارة عن صورة بنت قاعدة جنب ولد في فيلا وقدامهم أزايز وكاسات واضح طبعا الفكرة ان البنت اللي في الصورة دي كانت منة بنتي .. والولد معرفوش ..
محاولة طبعا لاستفزازي وصورة مضړوبة .. أنا أكيد مش هقتنع بالهبل دا بس بأمانة هو نجح انه ينرفزني ويضايقني ..
بعد شوية اتبعتتلي صورة تانية في نفس المكان ونفس الشاب اللي انا معرفوش بس المرادي اللي كانت قاعدة جنبه نهلة .. مراتي ..
اتعصبت جدا لدرجة اني قررت اتصل بالرقم اللي بيبعت الرسايل دي واهزأه واهينه .. بس لما فتحت الرقم اللي مبعوتة منه الرسايل لقيت انه رقم مينفعش اتصل بيه ولا ينفع هو أصلا يبعتلي رسايل الرقم كان عبارة عن سبع أصفار .. هو دا الرقم اللي بعتلي الصور ..
شيء غريب بس يعصب .. 
في اليوم دا انا كنت عصبي جدا في الشغل أي حد اتعامل معايه في اليوم دا خد نصيبه من الخصم أو لفت النظر على الأقل ..
مش قادر افهم إيه حكاية الرقم اللي بيبعت الرسايل دي يمكن هاكر يمكن دي حركة من حركات العيال بتوع الكمبيوتر وحواراته يمكن حد من المنافسين بتوعي عايز يوترني ويعملي مشاكل في حياتي 
جبت مدير الآي تي في الشركة بتاعتي وحكيتله اللي حصل من