سلفتي _الجزء الثالث

 

الثالثة
وصلني التاكسي للعنوان 
الممرضه بصراحه اول ما شفت المكان خفت منه 
ساكنه بمنطقه تخوف شوارع
معفنه والمكان شكله كئيب. 
نزلت وانا ماشيه بحاول
اقابل حد اسأله
وصلت لعند بياع خضار ع اول الشارع 
راجل طويل ولحيته مغطيه وشه تقريبا 
بصراحه اترددت اسأله 
بس مفيش قدامي غيره كان لازم اتجرأ واسأله...
وقفت قدامه وقلت 
=السلام عليكم عمي 
ورد عليا بصوت جهوري خشن 
_ وعليكم السلام . انتي مين 
=  انا هنا بسأل علي واحده ممرضه اسمها سناء تعرفها

بصلي وكشر وعينيه تخوف في بصتها 

_ مفيش هنا حد بالاسم دي . اتكلي علي الله من هنا 
=انا بصراحه اټرعبت من صوته ولهجته ومشيت بسرعه من قدامه وانا جسمي متوتر وخاېفه اووي . يحصل معايا حاجه

وانا ماشيه عدي جمب مني اتنين ستات ومن لابسهم باين انهم شحاتين او حاجه كدا شكلهم مش طبيعي وهدومه ريحتها وشكلها وحش اووي 
وهما ماشين عمالين يضحكوا 
_ههههههههههه شوفي يختي ستات البندر حلوين ازاي 
بصراحه كنت انا المقصوده بكلامهم 
وبعد شويه لقيت بنت صغيره قدامي وبتوقفني وبتقولي 
= امانه اعطيني حاجه لله ليا كام يوم ما دوقتش الأكل 

=سلمت عليها ووقفت قدامي وقلت .
_ معقول ليكي كام يوم مكلتيش 
=ايوه والله يا ستي 
_ طيب انا هعطيكي فلوس بس بشرط 
= وايه هو الشرط بقي 
_ عايزه اعرف بيت واحده ممرضه هنا . انتي ساكنه هنا صح 
= ايوه انا ساكنه هنا عايزه تعرفي مين 
_ برافوا عليكي شطوره . انا بقي عايزه اعرف بيت واحده اسمها سناء ممرضه تعرفيها 
= اه قصدك طنط سناء 
_ايوه فين بيت طنط سناء . وديني ليه . وخدي خمسين جنيه بحالهم اهو 
= الله بس دي كتير . ماشي هوديكي بس بشرط 
=شرط ؟ شرط ايه قولي 
_ هشاورلك عليه من بعيد يعني مش هروح معاكي

بصراحه قلقت من كلامها .بصيت عليها وقلت .
_ ليه مش هتروحي معايا 
_ لا مش هروح . اصل عمو عبده جوز طنط سماح بيضربنا راجل وحش ومبحبوش انا وكمان عايز ياخد الفلوس مننا

مسكت البنت من ايديها ومشيت معايا لحد ما وصلنا عند البيت وشاورتلي من بعيد وجريت وفلحظه ملقتهاش جمبي 
انا قلقانه وجوايا ړعب وحاولت اتمالك اعصابي .
ومشيت وقربت من البيت لحد ما وصلت هناك . واول ما خبطت علي الباب 
حصلت حاجه غريبه ....

انتظرو حلقة طويلة في السهرة
تحياتي محمد خلف صالح