بيت فايزه _كامله_بقلم هويدا زغلول

بيت فايزة
عبده
هو انا مش قلت لك يا فايزه لما تقبضي المعاش بتاع جوزك تجيبه لي
فايزه
يا حمايا ما انت بتاخد نصيبك وبتروح تقبضه سيب لي نصيبي بقى عشان ربي بيه العيال
عبده بغيظ
عيال ايه عيالك لسه صغيرين وانت لو ست شاطره كنت تعرفي تجيبي الجنيه منين كويس لكن انت كل اول شهر تيجي تقولي لي الفلوس خلصت تديني
فايزه
ايوه ما هو مين هيصرف على العيال غيرك انت جدهم

عبده
لاصارف ولا منيل امال انا كنت بخلف ليه
فايزه پغضب
هو احنا بنخلف عشان عيالنا يصرفوا علينا طب اهو اللي المفروض يصرف عليك ماټ انا ذنبي ايه بقى
في شقه فاتن
فاتن
دنيا يا حبيبتي اصحي يا قلب ماما يلا عشان ماما عندها شغل
دنيا
عايزه انام يا ماما
فاتن
علشان حبيبه ماما سهرت وانت عارفه ان ماما عندها شغل الصبح بدري تعالي هشيلك لو مش قادره تقومي تمشي واوديكي عند طنطك فايزه نامي عندها لو عايزه
دنيا
اه عايزه اروح وعايزه ساندوتش
فاتن بحزن
البيت ما فيهوش حاجه خالص ولسه صاحيه وما لحقتش انزل اجيب لك حته جبنه حاسب لها 5 جنيه تجيب لك اي لقمه بيهم وكلي من عندها يا حبيبتي
في شقه فايزه
فاتن
معلش يا فايزه يا اختي انت عارفه ما ليش غيركم هنا من ساعه ما جيت سكنت وانا عداك زي اختي النهارده عندي ورديه طويله 12 ساعه خلي دنيا عندك قولي 5 جنيه اللي حلتي والله جيبي لها اي لقمه بيهم
فايزه
اخص عليك ما تقوليش كده ما هي زي عيالي هي هتاكل ايه يعني دي لقمتها حتى ضعيفه
لكن في طلب عايزه اقوله لك
فاتن
قولي يا اختي
فايزه
لو ينفع تكلميهم لي في الشغل عندك هشتغل اي حاجه همسح واكنس اهو القرشين اللي يجي لي على معاش جوزي يكفوني ثلاث عيال في رقبتي كثير وحمايا ايده في الميه البارده عاوز ياخد مني فلوس
فاتن
يا نهار ابيض ياخذ منك انت يا اللي بتربي يا تاما فلوس امال هو لازمته ايه
فايزه
شفتي بقى اديك قلتيها هو لازمته ايه هو مش مقتنع ان هو اللي مفروض يصرف علينا وان احفاده دول في رقبته ده انا حتى لو فكرت اوديهم حضانه هدفع كام ده غير ان الواد ده في المدرسه اي حضانه دي هتاخد عجل زيه
فاتن
ازاي في حضانات بتاخد سن ثمان سنين لكن الحضانات دلوقتي بقت غاليه مش زي زمان
فايزه
عموما يا اختي اسالي لي ينوبك ثواب في انا والعيال اما دنيا دي في عيني اقعدي في شغلك زي ما تحبي وهتيجي تلاقيها هنا في حضڼي وكانها واحده من عيالي
المستشفى
امتثال
ها خلصتي تنظيف الحته دي بقول لك ايه النهارده عندنا مرور ورئيسه التمريض اللي جايه جديده مطلعه عين اهلي فخلصي لانها لو قالت لي اي كلمه هطلعها على جدتكم
فاتن
ايوه يا ابله متسال انا نظفت هنا ودعكتها