حضرت فرحي بدون فستان _الحلقه الثانيه _بقلم هويدا زغلول
الحما
تعالي ورايا يا ندي قومت وروحت وراها المطبخ
ندي
ايوه يا طنط عايزاني اعملك حاجه
الحما
امسكي انا عملت القهوه خليكي واقفه جنبها وصبيها وهاتيها پره
ندي
حاضر يا طنط من عينيا وعملت ندي القهوه وطلعتها ليهم واول ما شربو منها الكل كشړ
هاشم
ايه ده هي القهوه فيها شطه ولا ايه
ام العريس
ايوه دي كلها شطه وانا الدكتور مانع عني الحاجه الحاميه بقي كده يا ام احمد دي طريقه تقابلونا بيها
الحما
حقك عليا يا حبيبتي دي مرات ابني بس جديده في المطبخ وكده
ندي
بس انتي يا طنط اللي عم وقبل ما تكمل كلامها قالت
الحما زعقت
اخړسي مش عايزه اسمع صوتك يا بت انتي كمان ليكي عين تتكلمي قومي اقعدي جوه بصيت لاحمد اللي كمل كلام مامته وقالي
احمد
ادخلي جوه يا ندي لو سمحتي دخلت جوه المطبخ وبعدين العريس ومامته مشيو
الحما
انتي قاصده تعملي كده في القهوه عشان العريس يطفش من بنتي مش كفايه اللي عملو فيها اخوكي
ندي عيطت
حړام عليكي يا طنط هو مش انتي اللي عملتي القهوه وانا وقفت عليها بس لحد ما استوت
اميره
كفايه بقي يا ندي انتي بجد زودتيها مره تقولي عليا اني بوظتلك شقتك وافتريتي عليا في حاجات كتير ودلوقتي عايزه تخلينا نصدق ان ماما هي اللي عملت كده عشان تطفشلي العريس
ندي
انت مصدق كلامهم يا احمد مصدق اني ممكن اعمل حاجه زي دي
احمد
اطلعي فوق يا ندي ومتكلميش امي واختي تاني فاهمه ولو زعلتيهم في حاجه تاني انا هوريكي الوش التاني عيطت ندي
ندي
والله العظيم انا ما عملتش حاجه ژعق احمد فيا
احمد
قولتلك اطلعي فوق انا مش عايز اتعصب عليكي طلعت شقتي وعدت الايام
ومهاب اخويا كان معزوم في بيت اسماء خطيبته وحماته قالتله
ام اسماء
بقولك ايه يا مهاب هتجيب الشبكه امتي
مهاب
هنجيبها قبل كتب الكتاب بيوم يا حماتي
ام اسماء
لا احنا عايزين نعمل شبكه دلوقتي
مهاب
حاضر ان شاء الله الاسبوع الجاي نجيبها
انا عيوني ل اسماء والله
