جوزي طلقني علشان رفض ابيع كليتي ـــ كامله ـــ بقلم هويدا زغلول
انت في الصفحة 1 من 8 صفحات
جوزي طلقني عشان رفضت ابيع كليتي وقبل مانبدا حكايتنا اعرفكم على بطلتنا اسمها فاتن عندها 35 سنة متجوزة ومعاها بنت صغيرة
في يوم جوزها كان رايح الشغل قالت له
شوف لي معاك فلوس يا ابراهيم عشان عايزة اروح أزور اختي عشان تعبانة شوية
ابراهيم
طيب ماتروحي لاختك وانا مالي انا يا فاتن تروحي ولا متروحيش وبعدين انتي عايزة الفلوس هتعملي بيها يعني
ياراجل بقولك هاروح أزور اختي يبقا عايزة الفلوس ليه ماهو عشان اخد لها معايا حاجة وانا رايحة اومال هاروح لها فاضية يا ابراهيم
إبراهيم
وانا مالي انا ماتروحي فاضية وبعدين هي اختك يعني مستنية الزيارة بتاعتك دي دي على قلبها هي وجوزها فلوس ااد كده احنا اللي غلابه
فاتن
ياخويا واحنا مالنا وبعدين ربنا يزيدهم كمان وكمان بس كل واحد وقيمتة يا ابراهيم يعني انا لما اروح وشايله ومحمله هيقولو انك ماعيشني عيشه حلوه
بلا يقولو بلا مايقولوش بقولك ايه انا مش معايا ولا مليم عايزة تستنى لاخر الشهر اكون اقيض استني مش عايزة يبقا مش معايا فلوس
فاتن
ليه كده بس يا ابراهيم مفيش مره اطلب منك طلب غير لما تذلني كده الله يسامحك
إبراهيم
يافاتن انتي اكتر واحده عارفه ظروفي كويس هو انتي مش عايشه معايا وشايفه وانا موظف على اد حالي
مانا قولت لك شوف تاكسي اشتغل عليه بعد الضهر لما ترجع من شغلك
إبراهيم
التاكسي ده هجيبه منين هو اي كلام وخلاص ماتشوف تاكسي تشتغل عليه زي الناس ما بتعمل يا ابراهيم ولا اقول لك خود الدهب اللي مع امك وبيعه واشتري بيه دى معاها دهب يجيب فلوس حلوه دلوقتي
ابراهيم
هوووش اسكتي بدل ما تسمعك تطلع هنا تطين عيشتك يعني انتي مش عارفه امي كويس واوعي كده خليني امشي هتأخر على الشغل
يافتاح ياعليم يارزاق ياكريم
مسعد صاحبه اللي معاه في الشغل قال له
صباح الخير يا ابراهيم ايه مالك مش طايق نفسك ليه كده في ايه
ابراهيم
قول مفيش ايه يا مسعد دي بقت عيشه تقرف ياعم والواحد مش ملاحق يلاقيها منين ولا منين الواحد زهق
اااه طالما قالب وزهقان كده يبقا عشان الفلوس ومش معاك زي حلاتي يعني
إبراهيم
اسكت يا مسعد ده كل يوم نكد في البيت بسبب ام الفلوس دي واحنا شغالين هنا عبيد يعني تشتغل ويطلع عينك وفي الاخر يطلع لك كام ملطوش اخر الشهر يتصرفو في يوم ويقولو لك عايزين فلوس اصل الفلوس خلصت ياعم بلا هم
مسعد
والله يا ابراهيم ومين سمعك انا كمان علطول مشاكل في البيت بسبب الفلوس دي الجماعه عندي تعبانة ومش لاقي اروح اكشف عليها ولما جيت روحت للمدير عشان اقوله على سلفه لحد ميعاد القبض رفض طبعا راجل ظالم ومفتري
ماهي الناس دي اللي وكلنها والعه يامسعد انما احنا عبيد عندهم
مسعد
ربنا موجود بقا يا ابراهيم وقادر يحلها من عنده ان شاء الله
ابراهيم
ان شاء الله يامسعد بس مقولتليش الجماعه عندك مالها تعبانة عندها ايه
مسعد
بقالها سنتين بتتعالج من الكلي عندها حصوات وبتاخد علاجات بالهبل ومفيش فايدة مش عايزة تروح الا بعمليه وانا مش معايا لأنها هتكلف وعايزة مبلغ كبير
ابراهيم
ده حالتك طلعت أصعب مننا ياراجل الله يكون في عونك يامسعد
ودخل واحد صاحبهم معاهم في المكتب وقال لهم
صباح الخير يا رجاله ايه الاخبار محدش يعرف المدير بتاعنا مزاجة عامل ازاي النهاردة
مسعد
ههههاي اوعي تكون انت كمان عايز سلفه يا محمد
محمد
ايوه ليه يامسعد هو انت كمان كنت عايز
مسعد
انا عايز وإبراهيم عايز وانت عايز وكلنا عايزين والمدير ودن من
