عمتي الملعونه _بقلم هويدا زغلول_كامله

نانسي 
لا معلش يا شيماء الراجل خلاص بقي يشك فيا اني بعديلك حاجات في الشغل وانا مش عايزه اخسر شغلي معلش اطلعي بقي شوفي هو عايز ايه..

_طلعت شيماء فوق وخبطت علي الباب واول ما دخلت لقيت عبد الصمد قاعد علي مكتبه ولما شافها بص ليها من فوق لتحت وابتسم..

شيماء
افندم يا حج نانسي قالت ليا ان حضرتك عايزني؟..

عبد الصمد 
طيب تعالي قربي واقفه ليه بعيد يا حلوه..

اتنفضت شيماء بخوف وقالت
لا انا مرتاحه هنا تقدر حضرتك تقولي محتاج ايه وانا هنفءه لحضرتك..

وقف عبد الصمد وقال
مدام انتي مش عايزه تيجي، يبقي انا اللي اجيلك..

شيماء
يا حج انت لو قربت مني انا هخرج من هنا..

عبد الصمد 
انتي روحتي اتخطبتي يا شيماء، طيب وانا هونت عليكي يا قلبي تسبيني اقعد من غيرك..

شيماء
غلط عليك والله يا حج البي انت بتعمله ده، انا من دور بنتك..

عبد الصمد 
بس بلاش تكبريني كده، وبعدين هو عريسك ده جابك ايه الدبله اللي في ايدك وكام حتت دهب، انتي بس لو افقتي بيا انا هجيب ليكي محل دهب باسمك..

شيماء
انا غلطاانه اني جيت هنا ورجعت الشغل تاني،  انا ماشيه ومش هرجع تاني..

عبد الصمد 
وهتكملي جهازك منين بقي با عروسه، ولا اقولك امشي خليها الجوازه تبوظ وانا عندي الشقه جاهزه يا عروسه..

شيماء بدموع 
روح يا شيخ منك لله، حسبي الله ونعم الوكيل فيك انت واللي زيك..

_خلصت كلامها ومشيت من عنده ونزلت وهي بتعيط واخدت شنطتها وجات تمشي وقفتها نانسي وقالت..

نانسي 

شيماء 
ده راجل لا عنده اخلاق ولا ضمير، انا لو مش هلاقي اكل والله مش هرجع هنا تاني...

نانسي 
انا مش عارفه والله هو ليه بيعمل معاكي انتي كده بالذات، علي العموم امشي انا مرضاش ليكي التعب برضو، ومن غير ما اقولك انتي لو احتاجتي حاجه انا موجوده..

شيماء 
ربنا يخليكي يا نانسي، مع السلامه...