قصه الطريق المسکون كامله بقلم حسن الشرقاوي

الطريق المسکون
بقلم حسن الشرقاوي
أنا إسمي أحمد هاحكيلكم حكايتي بس ماحدش يضحك عليا لأنها حكايه مرعبه لكن فيها جانب كوميدي شويه
أنا شاب عندي ٢٠سنه ليا أختين بنات وأنا الولد الوحيد
ولاني الوحيد كنت بتعامل معامله خاصه شويه كنت مدلع اوووي خصوصا من أمي.
كنت في السنه الرابعه من الجامعه بدرس في كلية الآداب بجامعة الزقازيق وطبعا ماكانش ليا جيش لأني الوحيد لأهلي
كلكم عارفين إن الولد الوحيد مالوش جيش
المهم كانت أمي وابويا ليل ونهار بيكلموني عن الجواز عاوزين يجوزوني خصوصا إن حالتنا الماديه كانت تسمح إني اتجوز في السن دا

ما خبيش عليكم أنا كان نفسي اتجوز بس كنت بتظاهر بلا المبالاه والرفض لكن من جوايا كان نفسي
كنت بتظاهر لأن الخجل كان متملك مني شويتين
وأنا كمان من النوع إلى مابحبش أبين لحد إلى جوايا وبفكر فيه....حسن الشرقاوي
ومن الأشياء دي الخۏف الشديد أيوه كنت جبان أوي وبخاف جدا خصوصا من العالم الآخر كنت بتجنب أقعد مع شخصين بيتكلموا في الأمور دي ولو صادفت وسمعت عن حكايه للعفاريت والكلام دا ممكن أقعد سنه الموضوع شاغلني
ومړعوپ كنت بخاف من كل حاجه أدخل الحمام أتفرج على فيلم ړعب حتى فيلم فيه مشهد واحد مرعب أو أكون لوحدي بليل ولو الكهرباء قطعت اطلع جري أقعد جمب أخواتي أو أمي معرفش السبب يمكن الدلع والاهتمام الزياده هو إلى وصلني لكدا
بس كنت دايما بتظاهر إني مابخافش لكن جوايا جبان مافيش منه
المهم مع ضغط أهلي الشديد إني اتجوز وافقتهم
وفي يوم لقيت ماما قاعده مستنياني لما ارجع من الجامعه
وأول مادخلت لقيتها بتبصلي هيا وأخواتي البنات والابتسامه ماليه وشوشهم
قلت...خيييير مبسوطين ليه
أمي...تعالا ياحماده ياحبيبي أقعد
قلت...طالما حماده يبقا في حاجه حلوووه
قالت...ياسلام مطول عمري بقلك ياحماده المهم شوفتلك عروسه موزززه حتة شوكولاته
ضحكت وقلت......ياسلام
قالت... هاتشوف وهاتدعيلي....بقلم حسن الشرقاوي
فضلنا نتكلم ونهزر أنا وأمي وأخواتي البنات وكمان جه بابا من الشغل وماما عرفته إنها بنت زميلتها في الشغل وإنها أخدت ميعاد بكره وأنهم هايخدوني ونروح
عدت الليله وأنا متشوق أشوف العروسه إلى ماما قلتلي عليها
تاني يوم جهزت نفسي وروقت عليها ولبست الحته إلى على الحبل وكنت موصي واحد صاحبي يجيبلي علبة جاتوه
وكان بابا وماما خلصه أتصلت على توكتوك عارفين طبعا التوكتوك. علشان يوصلنا
كل دا تمام والدنيا زي الفل وبضحك ومبسوط
لحد ما التوكتوك مشي على طريق زراعي مخيف بصيت على
الطريق وقلت... لأمي إحنا ماشيين هنا ليه... ماما إنتي مش قلتي هما في المدينه
قالت....ماهما نقلوا امبارح عندهم بيت تمليك في القريه دي
لكن المدينه كانت شقه إيجار
قلت...طيب هما نقلوا ليه....بقلم حسن الشرقاوي
قالت... أصل باباها طلع معاش من أسبوع ومبقاش فيه داعي لوجودهم في المدينه
قلت في بالي ياليله سوده على أم حظي أنا هامشي على الطريق دا.... كان شكله بشع مليان شجر كبير وشكله مخيف تخيلت

إني خطبتها وتخيلت إني إزاي هامشي على الطريق دا ....أنا بټرعب من خيالي
وإلى زود البله طين مطين إن سواق التوكتوك بدأ يتكلم مع أبويا عن إن طريق القريه دا مسكون بالعفاريت وبدأ يحكيله عن حاجات كتير حصلت عليه
علشان يزيد ړعبي والتخيلات قدامي
المهم وصلنا البيت كانت قريه صغيره جدا عدد بيوتها يتعد على الأصابع تتوسط ترع المياه والأشجار
دخل أهلها رحبوا بينا وكنت قاعد متوتر جدا ومرتبك
فضلت على الحاله دي لحد مادخلت العروسه إلى أول ماشفتها بدأ التوتر يروح شويه
خصوصا إني لقيت صاروخ أرض جو داخل علينا حاجه كدا ولا في الخيال كانت جميله جداا
لما دخلت القريه كنت بتمني تطلع وحشه علشان مارجعش تاني لكن خابت ظنوني وطلعت حلوه اووي
خلصنا المقابله بس كنا اتأخرنا والليل دخل علينا ورجعنا بتوكتك واحنا ماشيين على الطريق بليل بقيت مړعوپ
وبتخيل حاجات غريبه واحنا ماشيين
روحنا وزي عادات وتقاليد الخطوبه رحنا مره تانيه كانت عجبتني جدا لكن كنت خاېف من موضوع القريه بتاعتهم وطريقها داا
لكن قلت أنا كدا كدا هاروح بتوكتك وارجع بتوكتك وعمري ما هتاخر لبليل مهما حصل لو كان في نصيب
الموضوع تم وخطبتها وكنت بنفذ إلى قررته لما كنت بروح كنت بقعد ساعة زمن وامشي ماكنتش بروح بإستمرار وكنت بتحجج بأي حجه الأمر إلى كان بيثير اهتمامهم جميعا
لحد مافي يوم
حصل حالة ۏفاة عندهم وكانوا عملين صوان