قصه كوميديا جداااا

_ بص يا باشا انا كدا كدا واخد قراري وهنط يعني هنط، فمتقربش مني بقى عشان ما اخدكش في إيدي وانا نازل

= حبيبي انا مش جاي اناقشك في قرارك، أنا عارف انك مش واقف على قمة برج القاهرة في الوقت دا عشان تشوف بيتكو في المنظار

_ أمال انت طالع دلوقتي عشان ايه يا حضرة الظابط

= أولا فكك من جو حضرة الظابط دا احنا مش في فيلم رد قلبي، أنا اسمي زكي بدر، بس ممكن تقولي يا زيكو عادي

_ اسمك زكي بدر ؟

= تخيل ؟ ظابط من قبل ما اتولد، أبويا بقى يا سيدي كان ظابط وكان لازم يطلعني شبهه في كل حاجة، حتى لو انا مش عايز كدا

_ أمال انت كنت عايز تطلع ايه ؟

= أنا كان نفسي اشتغل مبيض محارة، من زمان وانا بحب الاسمنت جدا لدرجة وانا صغير كانوا مسميني زكي طالوش

_ أنا فاهم الحركات بتاعتكم دي يا بتوع البوليس، انت بتضيع وقت معايه عشان تمنعني من الانتـ ـحار

= يا بابا إولـ ـع، انت متخيل ليه انك جوز اختي فلما تمـ.ـوت ولاد اختي هيتيـ.ـتموا، طب اقولك حاجة، تاخد الطبـ ـنجة بتاعتي تضـ ـرب نفسك بيها طلـ ـقة في سقف بؤك ؟

_ أمال انت طالع ورايا البرج ليه

= وانت مال أمـ ـك ما اطلع زي ما انا عايز، هو ابوك اللي بنى البرج دا وللا جمال عبد الناصر ؟

_ جمال عبد الناصر

= طب خلاص انا هشرب سېجارة ونازل على طول

_ سجايرك نوعها إيه ؟

= ميريت اصفر، تاخدلك سېجارة للطريق ؟

_ طريق ايه هو انا رايح الكشك اللي في آخر الشارع

= اشتري مني خدلك سېجارة مش هتلاقيها هناك دي

_ هناك فين ؟

= في النـ ـار وبئس المصير، مش منتـ ـحر ؟ عايز تخش إيه ؟ هندسة القاهرة ؟

_ انت عايز تخـ ـوفني يعني عشان ما انطش ؟

= أنا كلمة كمان وهر.زعك بالرجـ ـل اطيرك من هنا، انزل من على دماغ أمي قولتلك انت مش فارق معايه

_ وليه بقى ما افرقش معاك، مش إنسان انا ؟

= يا حبيبي اذا كنت مش فارق مع نفسك، هتفرق معايه ؟

_ ما هو عشان كدا انا سايب الدنيا كلها وماشي

= في ستين داهـ ـية يا حبيبي

_ انت جايب البـ ـرود دا منين

= أمال انت فاهم انك لما تمـ ـوت الأرض هتبطل دوران، والشمس مش هتطلع تاني والناس هتمشي تلـ ـطم في الشوارع ؟

_ أكيد لا، بس هأثر فيهم

= أحب اقولك ان خبر وفاتك بالنسبة لناس كتير هيبقى مجرد سطر على التايم لاين، هنبص عليه واحنا بنسكرول داون، وبعدها بثانية هنضحك على البوست تحته

_ للدرجادي انا رخيـ ـص ؟

= تحب أتمنك دلوقتي ؟

_ ازاي ؟

= لو كان العالم بمـ ـوتك هيخسر 20 دولار، يبقى انت تمنك 20 دولار، عامل دوشة ليه بقى ؟

_ وعشان كدا انا عايز اسيب العالم دا

= العالم مش هيحس بغيابك زي ما هو طول عمره مش حاسس بوجودك، اقولك حاجة تيجي نلعب لعبة ظريفة ؟

_ دلوقتي ؟

= يا سيدي مجاتش على الخمس دقايق اللي هتضيعهم في حاجة مالهاش قيمة، ما انت حياتك كلها مالهاش قيمة عادي

_ لعبة إيه ؟

= اديني موبايلك هحطلك عليه أبلكيشن لطيف أوي

_ لا مش هينفع اديك موبايلي

= ليه يا عسل عليه صورك من غير حجاب، ما تجيب الموبايل يالا

_ اتفضل

= الابلكيشن دا بيجيبلك الناس مسيڤة اسمك ايه على موبايلاتهم

_ فرجني

= انت اسمك علي ؟

_ آه

= فيه حد كاتبك علي الاهبل

_ دي خطيبتي

= وفيه علي العاق

_ دا ابويا دا

= الباقيين كاتبينك علي حشـ.ـرات

_ اه عشان انا بشتغل في الشركة الألمانية لإبـ ـادة الحشـ.ـرات

= يعني محدش مسجلك نبض قلبي، نن عيني ،

_ الواطـ ـيين

= دا تمامك عند الناس اللي تعرفك، تخيل بقى انك بعد ما تنط من هنا فيه سواق تاكسي مش هتفرق معاه قصتك كلها و هيلـ ـعن سنسفيل اللي خلفوك عشان وقفت الطريق وعطلته عن شغله ..

_ دي حاجة صعبة اوي

= عايز تنهـ ـار إنهـ ـار يا حبيبي محدش يقدر يمنعك، بس لازم الأول تكون عندك رفاهية الإنهـ ـيار

_ حتى الانهـ ـيار محتاج رفاهية ؟

= طبعا، انت سايب حاجة في الحياة تعيش سيرتك بعد ما تمـ ـوت ؟

_ آه سايب الشرابات بتاعتي في سبت الغسيل

= والشرابات دي هتخلد ذكرك ليه يعني، هتتحط في متحف والناس تروح تشمها وتقرالك الفاتحة

_ ما انا مش سايب حاجة تانية

= عظيم، خطيبتك هتتجوز واحد غيرك، وشغلك هيجيب موظف غيرك والحياة هتد9س على جثـ ـتك وهتكمل مشوارها الأبدي

_ وهاتنسي ؟

= هيتشد عليك سيفون الأيام، ودا أكبر سيفون خيالك ممكن يجيبه، دا ياما بلع عظماء، يعني انت بالنسباله هتبقى مجرد تـ ـفه ..

_ بس امي وابويا مش هينسوني

= هيدعولك اول أسبوع بس، بعد كدا هيبتدوا يشـ ـتموك بسبب الديون والأقساط اللي سايبها وراك وهما اتدبسوا فيها

_ يعني انا مش فارق مع حد

= عشان انت ولا حاجة يا حبيبي، عايز تفرق مع حد حقق أسطورتك الشخصية، ايه معندكش حلم واحد تعيش عشانه ؟

= مش الأحلام دي يا مهـ.ـزأ، أنا فهمت خطيبتك مسجلاك الاهبل ليه ، أنا اقصد الطموح، ولو قلت طموح وتيجي بالسلامة هحـ ـدفك من هنا على عربية بطاطا ..

_ طول عمري كان نفسي افتح مصنع كبير بينتج الطباشير الابيض

= الله دا حلم حياتي، انا كمان نفسي من زمان افتح المشروع دا، تشاركني ؟

_ بس انت ظابط

= يا عم الشغلانة دي مش جايبة همها، انا هستقيل من الداخلية وهاخد المكافأة اعمل بيها المشروع دا معاك

_ انت رجعتني للحياة تاني، انا مش هنط

= طب يالا بينا بقى يا حبيبي على القسم نعملك محضر محترم كدا ونفرجك النط بتاعنا احنا بقى