الضوء الشارد الجزء الثاني بقلم حمادة فاروق هاشم

الضوء_الشارد... الجزء الثاني
...... الحلقه الأولي.... 
فلاش باك.... 
الريس شندي في الجبل بعد مع سمع ان وصفي هيهجم علي ستيته الغزيه ورئيسه بعت واحد من رجالته لوهبي السوالمي يقوله علي خطة وصفي مقابل انه يرجعله العشرتلاف جنيه اللي خدهم منه وقدهم كمان... لان الريس شندى سمع ان وصفي هيغدر بيه ومش هيديه حاجه.... 

المشهد... بالليل قبل هجوم وصفي
نزل عجرود من الجبل وراح علي بيت وهبي... 
قابله مرعي علي الباب.... 
مرعي... 
أنت مين وعاوز ايه.... 
عجرود... 
اني عايز وهبي بيه... 
قوله جايله من طرف الريس شندى... 
مرعي... 
وعايز وهبي بيه في ايه... 
عجرود... 
عايزه وخلاص انت هتحقق امعاي... 
ويطلع وهبي علي صوتهم... 
وهبي.... 
اييييه... فيه ايه... 
في ايه يامرعي.... 
مرعي يرد... 
معرفشي ياوهبي بيه... 
الجدع ده عيقول انه جايلك من طرف الريس شندي.... 
يرد عجرود.... 
وهبي بيه... الريس شندي مشيعني ليك في موضوع مهم قوى قوى ويهمك... 
يرد وهبي.... 
موضوع امهم.... 
طب تعالي... تعالي جوة.... 
ويدخل وهبي ومعاه عجرود ووراهم الغفير مرعي.... 
يقعد وهبي وعجرود قدامه.... 
وهبي.... 
ها... عاوز ايه الريس شندي... 
ويبص وهبي لمرعي....
روح يامرعي اعمل كوبايتين شاي... 
مرعي واقف ومتردد.... 
وهبي....يبص لمرعي...ويقول... 
كنك اطرشت ولا ايه... مش سامع... 
مرعي.... 
اااا سامع... سامع ياوهبي بيه... 
وهبي... 
طب يلا انجر من اهنه اعمل اللي قولتلك عليه.... 
ويروح مرعي يعمل الشاي.... 
وهبي.... 
ها متأخذناش يا اخينا.... 
ها... مقولتليش الريس شندى عايز ايه..... 
عجرود... 
الريس شندى عيقولك علي موضوع ايهمك قوي بس قبل ما اقوله عايز منك ترجعله العشرتلاف اللي خدتهم منيه... 
اوكدهم كمان..يبقي عشرين.... 
وهبي...وهو بيبص لعجرود... 
مش لما اعرف الاول الخبر اللي جايبه ده يستاهل ولا لاه.... 
عجرود... 
يستاهل.... يستاهل يا وهبي بيه.... 
وهبي.... 
طيب.. هديك اللي قولت عليه... 
قووول.... 
عجرود... 
وصفي اخوك.... 
وهبي... 
بااه وصفي... ماله وصفي...هو عنديكم.... 
عجرود... 
وصفي هيهجم بكره في العشيه علي ستيته الغزيه وبتها رئيسه هيقتلهم وهيسرقهم.... 
ويقف وهبي مصډوم.... 
بااااااه... انت متوكد من الحديت ده صوح.... 
عجرود.... 
الا متوكد يابيه... 
ده الريس شندي... سمعهم بودانه وهم هيتحدتو وطلبو منيه سلاح عشان العمليه.... 
وهبي.... 
وبعدهااالك عاد ياوصفي.... 
كل ما ارتب ترتيب تبوظهولي بعمايلك دي... 
اني قلتها... انت هتكون اجلي ياوصفي.... 
بس لاه... قبل ماتكون اجلي... 
هكون انا اجلك يا وصفي.... 
ويطلب وهبي من عجرود ينتظر ويدخل يجبله الفلوس اللي اتفقو عليها ويديهالو ويمشي عجرود.... 
ويقعد وهبي علي الكنبه وبيفكر.... 
وبعدهالك عاد يا ولد ابوى.... 
هتخليني اعمل حاجات اني مش عاوز اعملها.... 
يابووووى... لو كوت معرفش الخبر ده في وقتها.... 
وقټلت ستيته ورئيسه... 
هتهد الدنيا علي دماغي وتبوظ كل اللي مرتب ليه.... 
وينام وهبي علي الكنبه.... 
ويحلم....... 
بان وصفي ھجم علي ستيته وقټلها وان رئيسه هربت وان وصفي جبله اللي سرقه ومشي يدور علي رئيسه وان المباحث هجمت عليه وهرب منهم وهبي علي الجبل... 
وحلم ان سره انكشف ورفيع عرف بالترتيب اللي وهبي مخطط ليه.... 
وان الشرطه هجمت علي الجبل وانه ضړب ڼار علي الشرطه وجتله طلقه في جمبه اليمين... 
ويقوم وهبي مڤزوع من النوم مڤزوع.... 
يابووووووى.... بس الله الرحمن الرحيم.... 
الحمد لله.... الحمد لله انه حلم.... 
يخربييييت ياوصفي.... 
يخربيتك وبيت ايامك السوده... 
المشهد... الصبح.... 
وهبي بعت مرعي الغفير علي بيت ستيته الغزيه... 
مرعي يخبط علي الباب.... 
ستيته ورئيسه قاعدين جوه... 
تبص ستيته لرئيسه وتقول.... 
مين عيخبط بدري اكده... 
يعني
مش بعاده.... 
ترد رئيسه...
شوفي مين...شوفي مين يامه.... 
وتروح ستيته تفتح الباب... 
ويدخل مرعي... 
ستيته... 
وووه... مرعي.... خبر ايه.... 
مرعي... 
يلا بسرعه لمو خلقاتم علشان هتمشو من اهنه.... 
ستيته... 
نلم خلقاتنا منين ياجدع انت ونمشي علي فين... 
مرعي... 
وهبي بيه مشيعني وعيقولك... 
وقبل ما يكمل كلامه ترد ستيته... 
وهو مين وهبي ده عشان يؤمر وينهي... 
وتدخل رئيسه... 
استني بس يامه نفهم فيه ايه.... 
ستيته... 
انتي ليه هتفهمي... 
مش سامعه عيقولك ايه.... 
رئيسه... 
استني بس يامه الله يخليكي.... 
ها يامرعي... 
وهبي عاوزنا نمشي من اهنه ليه.... 
مرعي... 
وصفي اخوه... 
جه خبر في العشيه ان وصفي اخو وهبي ناوي يهجم عليكم ويقتلكم ويسرقم الليله.... 
وټضرب ستيته علي صدرها.... 
يا مصيييبتي.... 
كان مالنا بس ومال المصاېب دي احنا... 
ما كنا ف حالنا ومالنا... 
رئيسه... 
خلاص يامه... ملوش عازه الحديت ده.... 
ستيته.... 
طب يلا... يلا بسرعه لمي خلقاتك... 
وتجري ستيته