عشق المغرور _كامله _ بقلم هويدا زغلول

_ عشق المغرور.. ١.... ــــــــــــــــــــــــــــــــــــــــــــــ

مروان بحده _ اطلعي بره مش عايز اشوف وشك تاني.. جميله ببكاء وصدم#مه _ انا تعمل فيا كده، انت فعلا اوطي واحد قابلته في حياتي.. بصلها بقرف وقال _ وانتي ارخص واحده شوفتها في حياتي، انتي زمان رفضتيني قدام كل قرايبك عشان حتت عيل ما يسواش تلاته مليم في سوق الرجاله، وجه الدور عليا اردهالك بس بطريقتي... مسحت جميله دموعها وقالت _ طيب خليني ادخل وامشي بكره، هروح فين بس دلوقتي انا مراتك انت ما عندك نخوه ولا رجوله.. بصلها بسخريه وقال _ بسيطه اووي يا مدام جميله، انتي طاالق.. اتصدمت جميله ونزلت دموعها وقالت ـ؟؟. ــــــــــــــــــــــــــــــــــــــــــــــ _

وقبل ما نبدأ حكايتنا اعرفكم بالبطل بتاعنا النهارده واللي اسمه مروان الحديدي وعنده تلاتين سنه وعايش مع باباه احمد الحديدب واخته لمار في فيلا لوحدهم، ومامتهم سابتهم زمان وهما صغيرين واتجوزت واحد تاني.. _وفي يوم كان داخل مروان الشركه ولفت نظره بنت لابسه سولبت جينز ونضاره كعب كوبايه وشعرها كيرلي وطويل جدا، وقصيره اووي بتتخانق مع موظف الاستقبال وبتقول.. جميله _ انت غبي يالا ما بتفهمش بقول ليك احمد بيه مستنيني فووق.. رد عليها الموظف بحده وقال _ احمد بيه عنده اجتماع ولاغي اي مقابلات النهارده.. جميله بعصبيه _

ما ليش فيه انا لازم اقابله النهارده، ده انا دافعه خمسين جينيه للتاكسي، ولسه هروح بخمسين زيهم.. قبل ما يرد عليها موظف الاستقبال، وقف مروان جانبيها وشاور للموظف انه. يسكت وقال بكل بجمود.. مروان _ انتي قبل ما تيجي هنا بالخمسين جينيه بتاعتك دي، ما حدش قالك ان الصوت العالي وشغل الحواري ده ما يتعنلش هنا وان دي شركه محترمه.. بصت ليه جميله من فوق لتحت وقالت بحده _ يس يا بابا احسنلك بدل ما ازعلك،وانت مال اهلك اصلا..

ضحك مروان بسخريه وقال _ انا مروان الحديدي يتقال ليا كده، ومن مين، من وحده شرشوحه زيك اخرها تشتغل تنضفلي جزمتي.. _خلص كلامه ونزلت جميله بايدها علي وشه، والموظفين كلهم اتصدمو، دول بيخافو يقفو قداامه من عصليته وغروره تيجي واحده زي دي تمد ايدها عليه.. قالت جميله بخوف _ ينهااار اسودانت قولت اسمك ايه مم مروان الحديدي.. _بص ليها مروان بعصبيه وقرب منها ولسه كان هيتكلم لقي احمد جه ووقف قدامه وقال بينه وبين جميله وقال.. احمد _ اهدي خاالص ما فيش حاجه حصلت واطلع علي مكتبك.. زعق مروان بعصبيه وقال _ البنت دي تطرد بره الشركه حالا...