عيالي اتبرو مني_ الجزء الثالث _ بقلم هويدا زغلول
انت في الصفحة 7 من 7 صفحات
إم مصطفي:وافقي والنبي
عفاف:الاسبوع ده بس
ام مصطفي:ماشي اللي تشوفي بيه يحصل
وفي بيت شيماء قاعده هي وإبراهيم
شيماء:مالك يا ابراهيم فيك اي
ابراهيم: بقيت بحس ان امك بتكره اني اجي اشوفك
شيماء: متقولش كده يا حبيبي
ابراهيم:هو البيت باسمك صح
شيماء:أبوه باسمي ليه
ابراهيم:طيب ما تبعي وتدخلي شريكه معايا في العماره الجديده
شيماء:وامي هتروح فين وانا كمان
ابراهيم:فتره مؤقته يا قلبي تقعدي مع ام العيال
شيماء:نعم يا اخويا عايز اني اقعد مع مراتك التانيه انت اكيد اتجننت
ابراهيم:اهدي بس خلاص ناخد شقه ايجار
موقت اي رايك
شيماء: وامي هعمل معاها اي
ابراهيم:نخليها في دار مسنين لحد ما نخلص العماره
شيماء:ينهار اسود لا طبعا
ابراهيم:فكري في مستقبلك يا شيماء هتبقي صاحبه برج كبير ويكون عندك عربيه وفلوس كتير
شيماء:بس بشرط
ابراهيم:تحت امرك خير
شيماء:نص العماره يكون باسمي
ابراهيم:اكيد طبعا يا حبيبتي
شيماء:اه علشان مراتك وعيالك يا حبيبي
ابراهيم:من غير ما تقولي يا روحي
شيماء:طيب هقول لامي اي بس
ابراهيم:مدام عفاف اكيد هتقول لينا الحل اصبري اتصل بيها 😧😧😧
وفي شقه احمد
سماح:حنان يا حنان
حنان:نعم في حاجه
سماح:اه في الاكل فين
حنان:ثواني ويكون جاهز
سماح:يعني احمد جايب اكل من برا انك تحطي علي التربيزه هياخد وقت كمان
حنان:اسفه ليكي بعد اذنك
احمد:هو انتي بجد
سماح: لا فيلم كارتون مالك
احمد:دي اختك مش شغاله عندك انا حاسس اني متجوز حنان هي اللي بتعمل الاكل بتغسل وبتروق انتي فين
سماح:في قلبك يا قلبي
احمد:انا بتكلم بجد هي علشان عائشه معانا بتعملي فيها كده
سماح:احمد بقولك اي ابقي لما تخلص اكل ابقي خليها تغسل المواعين انا نازله الكوافير
احمد:سماح لو فضلتي بالاسلوب ده هيكون ليا معاكي تصرف تاني
سماح:احمد حبيبي انت مزعل نفسك لسه هي راضيه مش كفايه بتاكل وبتشرب من غير ما بتدفع جنيه
احمد:والله انتي مريضه
سماح:السواق جه انا نازله ومشيت ودخل احمد المطبخ
احمد: حنان حقك عليا انا
حنان:لا مافيش حاجه
احمد:انتي بتعطيتي يا حنان والنبي بطلي عياط
حنان:انا عايزه ماما
احمد:حبيبتي ربنا يرحمها مش أنا اخوكي الكبير منفعش يعني
حنان:احمد ماما.......
ولحد هنا تكون خلصت حلقتنا