عيالي اتبرو مني_ الجزء الثالث _ بقلم هويدا زغلول

مديحه:انتي بجد هبله كده يابت ولا بيشتغلني

كوثر:والله ما بكدب عليكى دي الحقيقه 
مديحه:الله يخربيتك ده انتي هتتكلي في السجن هنا ده انتي برا والناس عامله فيكي كده امال هنا هتعملي اي 
وعدا سنه ومحدش راح زار كوثر من عيالها 
مديحه:مالك فيكي اي 
كوثر: البنات وحشتني قوي معقول نسيوني كده
مديحه: بكره هتخرجي ليه يا حبيبتي وتنوري الدنيا كلها

كوثر:اخيرا هخرج من السجن وأشوف عيالي

مديحه:انا مش عايزكي تزعلي لو قابلوكي وح0ش
كوثر:لا حقهم بس مش لدرجه انهم ينسوني انا والله كنت محبوسه علشان كنت بجيب ماكينه خياطه علشان مصاريفهم

مديحه:حبيبتي ربنا يفرح قلبك وزي ما قولت ليكي دار المسنين اللي قولت ليكي عليها هتروحي تشتغلي فيها انتي بنت حلال

كوثر:ربنا يخليكي وخرجت كوثر وعرفت أن عيالها سابو الشقه وراحت ل بنتها الكبيره سماح بعد ما خدت العنوان من الجيران

سماح:ينهار اسود انتي اي اللي جابك هنا

كوثر:وحشاني يا سماح

سماح:انا امي راحت  وجوزي عارف كده لو سمحت امشي

احمد:مين عالباب يا سماح

سماح:دي وحده جايه تمسح السلم يا حبيبي غوري بقي من هنا والنبي قفلت الباب سماح ودخلت

احمد:في حد يعمل كده الست كانت لسه واقفه
سماح:اعملها اي يا احمد

احمد:انتي بتتكلمي كده ليه

سماح:احمد انا مش ناقصه اوعي من وشي

حنان:هو فيه اي

احمد  :اختك مش عارف مالها

حنان: طيب اهدي بس هدخل اشوفها مالها

احمد: انا نازل اجيب الغدا 
ودخلت حنان الاوضه

حنان:مالك يا سماح انتي كل شويه تزعقي لاحمد كده

سماح:تعرفي مين اللي كانت عالباب امك

حنان:معقول حبيبتي يا ماما

سماح:نعم يا ختي حبيبتي يا ماما انتي عبيطه يابت

حنان:ازاي تخليها تمشي

سماح:انتي ناسيه امك دي عملت فينا اي

حنان:ايوه نسيت برضه دي أمي

سماح:انا بقي عمري ما هنسي أن خليتني اتجوز وأنا عيله عندي 15سنه بواحد اكبر مني ب10سنين

حنان:احمد بيحبك