جوزي بيحبني_كامل _بقلم هويدا زغلول

جوزي بيحبني اضربه قدام اخواته
الحلقه الاولي
بقلم هويدا زغلول
وقبل ما نبدا الحكايه اعرفكم بنفسي أنا ليلي 
مدرسه دراسات وفي يوم كنت راجعه من الشغل 
ولقيت مرات ابويا قاعده مع جارتنا ومرات ابويا قالت
نجلاء 
اهي عروستنا الحلوه جت تعالي يا حبيبتي 
سلمي علي طنط ساميه دي قاعده من بدري 
مستنياكي وانا دخلت واقعدت وقولت

ليلي 
عروستنا الحلوه ربنا يستر خير يا طنط عامله 
اي
ساميه 
بخير والله بوصي أنا اتكلمت مع مرات ابوكي 
وخلاص المفروض اننا حددنا كل حاجه بس برضه رايك يهمني وانا عارفه انك لايمكن تقولي رايك 
قدامي عالعموم أنا ماشيه ولو فيه اي حاجه 
هستني ردك يلا سلام وبعدها مشيت
نجلاء 
اسكتي يا بت السعد والهنا جمب خبطوا علي 
بابك مش ساميه عايزه تجوزك لابنها يحيي 
وفي الوقت ده انا قومت وقفت وقولت
ليلي 
انا سكت علشان افهم بس هو فيه اي
نجلاء 
ساميه عايزه تخطبك ل ابنها وانتي عارفه 
ابنها ده سائب فلوس ليه قد اي وانتي اولا 
بيها بس اوعي تنسي امك اللي ربيتك
ليلي 
ام مين ده انتي طول عمرك بتعاملني وحش
دلوقتي بقيتي أمي ويحيي مين ده بقي انشاء 
الله اللي اتجوزوا
نجلاء 
اي ده مالك يا بت فيه اي تصدقي ان انا 
غلطانه ان خليت ابوكي يخليكي 
تكلمي تعليمك علشان يجي اليوم اللي تقفي 
قدامي وتعملي كده
ليلي 
بقولك اي يا مرات ابويا انتي مش عملتي 
كده ياختي ببلاش انتي واخدا 
مرتبي اول ب اول بقولك اي قله الكلام معاكي 
احسن وبعدها نزلت
نجلاء 
والله ما هسيبك الا لما تتجوزي يا بت يا ليلي 
وبكره تشوفي وبعدها دخلت الاوضه
وفي كافيه كنت قاعده مع محسن زميلي 
في الشغل وبيحبني
محسن 
يا بنتي فيه اي من ساعت ما اتصلتي بيا 
وقولتي تعالي وانتي شكلك مضايق اوي 
فيه حاجه حصلت تاني بينك وبين مرات ابوكي
ليلي 
تصدق يا محسن عايزه تجوزني يحيي 
فاكر يحيي اللي حكيت ليك عنه
محسن 
مش ده اللي مخه عامل زي مخ الاطفال 
ده اشمعنا يعني
ليلي 
والله مش عارفة ازاي فكرت في الحوار ده ارجوك 
يا محسن حاول تيجي تقدم انا بجد مش عارفه 
اعمل اي مع مرات ابويا
محسن 
مانتي عارفه ظروفي ده انا لسه لحد انهارده 
باخد منك فلوس علشان اعرف امشي 
انتي عارفه ان مدري العاب ومليش دورس 
خصوصا زيك انا عندي فكره حلوه اوي 
بس ياريت تعمليها
ليلي 
قول يا محسن انا اي حاجه تخليني انا وانت 
جمب بعض معنديش مشكله
محسن 
اي رايك تتجوزي الواد ده سنه واحنا ناخد 
كل فلوسه وبعدها نتجوز انا. وانتي
ليلي 
هو انت توافق تتجوز واحده مطلقه يا محسن
محسن 
يا بنتي انتي عارفه وانا عارف ان الواد ده مش 
هيكون جوزك بس اعملي اللي هما عايزنوا
ليلي 
عارف يا محسن انا عمري ما عملت حاجه اندم 
عليها بس الحاجه الوحيده اللي عملتها دلوقتي 
أن ندمت ان عرفتك انت انا ماشيه وعارف 
لو شوفتك في المدرسه بتكلمني تاني هعمل .فيك اي وبعدها مشيت
وفي بيت ساميه مرات ابويا كانت قاعده
ساميه 
نعم نعم نعم هي تطول تتجوز ابني هي مش عارفه ده مين ولا اي لا يا ست نجلاء البت 
دي شايفه نفسها ولا اي
نجلاء
مش انت بتقولي ان اخوكي ماذون ايه رايك ما نمشي الجوازه دي ونحطها قدام الامر 
الواقع
ساميه
ليه يا حبيبتي هو انتي فاكراني بدلل ي ابني ولا ايه انا لولا الواد متعلق بيها عمري ما كنت كلمتها ده انا الف بنت تتمناه
نجلاء 
انتي عارفه وانا عارفه كده وكل واحد يعمل علشان خاطر مصلحته انا علشان اخد الفلوس اللي انتي موعداني بيها وانتي علشان ابنك متعلق بيها
ساميه 
والله انا مش عارفه الكلام ده هينفع ولا لا بس على العموم هشوف مدحت اخويا وارد عليكي
نجلاء 
يا ريت تخلي الموضوع ده بسرعه انتي عارفه ان البنت مدرسه ومش محتاجه فلوس من حد يعني ممكن تمشي وتسيبلي البيت وساعتها بقى يا حبيبتي انتي اللي هتزعلي على ابنك
ساميه 
هو انا كنت عايزه اعرف يا نجلاء راي ابوها في الحوار ده ايه انا هديكوا قرشين حلوين قوي
نجلاء 
انتي عارفه من يوم ما تعب ورقت في السرير وهو بقى ولا بيهش ولا بينش وانا مبقاش ليا كلمه على البنت
ساميه
طيب سيبيني النهارده كده افكر واخد وادي مع نفسي في الحوار ده وبعدين ارد عليكي
وبعدها مشيت و ساميه دخلت عند ابنها
يحيي 
ماما اللعبه كسرت وانا عايزها دلوقتي حالا
ساميه 
ان احنا نتعامل زي الناس الكبار هو في حد كبير برده بيقعد يلعب بالالعاب دي
يحيي 
مش انتي قولتي انك هتجوزيني وهتجيبيلي عروسه هنا في البيت انا عايز بقى العروسه دلوقتي
ساميه 
يا حبيبي