دب@حت لحماتي القطه _ الجزء الاول _ بقلم هويدا زغلول

دبحت لحماتي القطه
الحلقه الاولي
لقاء _ انتي يا وليه اي معندكيش دم 
جايه عندنا وعايزه تكلي كده  ومش عامله 
حساب ان ابنك بيجيب الفلوس منين عندك لقمه ب جبنه كليها ودخل مدحت وقال

مدحت _ منوره الدنيا والله يا ماما اي ده امال فين الفراخ المشويه اللي كانت هنا تصدقي 
ماما مهنش عليها تدخل ب أيدها فاضيه جابت 
فراخ وهي جايه

وقبل ما نبدا الحكايه اعرفكم بنفسي أنا فوزيه 
كنت متجوزه وجوزي راح وفي يوم 
كنت قاعده ودخل ابني مدحت وقال

مدحت _ مساء الخير يا ست الكل عامله اي 

فوزيه _ تاني وفاء يا مدحت مش قولتلك البنت دي مش هتنفعك يا ابني بص الواحده من توبك
بلاش نبص ل فوق

مدحت _ بس انا بحبها اوي يا ماما وبجد 
وفاء كويسه وعمرها ما هتتغير عليا

فوزيه _يا ابني ده كلام في الاول بس انما اللي هيبقى في جواز ومسؤوليه هتتغير وهتتمنى ان هي ترجع لعيشتها القديمه تاني

مدحت _ بجد انا خايف يا ماما يكون كلامك ده صح وخايف برده نكون ظلمنا وفاء وتكون كويسه وهتعيش معايا

فوزيه _ ايه رايك انا اخطبلك البنت القاء بنت ام حسين جارتنا بنت كويسه وهتعيش معانا

مدحت _ هي صحيح البنت مؤدبه وبصراحه صوتها عمره ما بيعلى ابدا وشايله البيت بس انا بحب وفاء

فوزيه _اسمع كلامي يا ابني خليك مع لقاء احسن وفعلا دخل الاوضه وكلم وفاء

وفاء _ والله انا كنت لسه هكلمك انا كلمت ماما في موضوعنا وقالتلي ان انت تروح تقابل خالو لان انت عارف ان بابا الله يرحمه وما لناش حد غير خاله هبعتلك اللوكيشن بتاعه دلوقتي هو ساكن قريب مننا في التجمع