اخوات جوزي العوانس دمروا فرحي الجزء الاول بقلم هويدا زغلول

ليلي _ هو انت ازاي تدخلي اوضه نومي وتاخدي هدومي من دولابي من غير ما انا ما اعرف
ثريا _ فلوس اخويا يا حبيبتي واعمل اللي انا عايزاه وبعدين هو قال يا ثريا يا حبيبتي لو احتاجتي اي حاجه اطلعي خديها من شقتي
وقبل ما نبدا الحكايه اعرفكم دي ليلي اللي 
بدل ما يكون ليها حما ليها اتنين بس مش حموات دول اخوات جوزها
وقبل ما تتجوز كانت عزامهم عندها وليلي قالت
ليلي _ والله يا جماعه ما تعرفوش انا فرحانه ازاي ان انتوا جيتوا مع احمد
ثريا _ والله احنا مكناش عايزين نيجي لولا هو فضل يتحايل علينا ان احنا لازم نيجي معاه

اسماء _فعلا والله ما كناش فاضيين خالص
ليلي _ ليه كده يا طنط ثريا ده انا عامله العزومه دي مخصوص علشانك
ثريا _ طنط ايه طنط دي حبيبتي ده الفرق بيني وبينك كم سنه بس ولا انتي عامله فيها لسه نوغه صغيره يعني
احمد _ايه بقى يا ليلي هو الاكل قدامه كتير ولا ايه انا جعان وبعدها ليلي قامت وقفت وقالت
ليلي _ لا لا انا هقوم اشوف ماما في المطبخ باذن الله يكون خلص وبعدها دخلت
احمد _ في ايه يا ثريا وانتي يا اسماء هو ده اللي احنا متفقين عليه مش انا قولت اتعاملوا معايا باسلوب كويس لو بتحبوني
ثريا _بصراحه انا مش بطيق البنت دي ومش عارفه ليه انت مصمم عليها يا ابني ما اسيبها ونجيب لك واحده احسن منها
احمد _تاني هنتكلم في الحوار ده وبعدين هي عربيه بنتي هتغيرها ليا بس بس عشان ليلى خلاص جت
ليلي _ اتفضلوا يا جماعه الاكل خلاص خلص وموجود على السفره تعالوا يلا عشان ناكل 
وبعدها الكل قام واول لما ثريا شافت 
الاكل قالت
ثريا _ايه ده سمك انتي عزمانه على سمك مش المفروض يا حبيبتي تسالينا احنا بناكله الاول ولا لا يلا بينا يا اسماء وبعدها مشيوا
ليلي _ هو في ايه انا قولت بس اغير الاكل كل ما يجوا يبقى محاشي ومكرونه بشاميل قولت اعمل المره دي سمك وفي جمبري
احمد _ ابقي اسالي الاول يا ليلى ولا اسماء بتحب السمك ولا ثريا كمان
ليلي _ طيب بالله عليك خليهم يطلعوا وانا هنزل اجيب اي اكل بسرعه بس ما ينفعش يمشوا من البيت من غير اكل
احمد _ خلاص طالما نزلوا انا عارف اخواتي مش هيطلعوا تاني خليها مره ثانيه انا مشي وهبقى اكلمك في التليفون 
وبعدها روحوا البيت
احمد _ في حاجه يا جدعان اسمها جبران خاطر كنت جبرت بخاطرها واكلته اي حاجه ما انتي بتاكلي الجمبري ايه المشكله انك كنتي اكلتي جمبري يا ثريا
ثريا _ الله اكبر هو انت هتجيب الغلط علينا دلوقتي هتخليك تيجي على اخواتك في ايه ما كنتش عايزه اكل سمك