نيمت عيال جوزي في الشارع في عز البرد_كامله_بقلم هويدا زغلول

فى عز البرد والمطر حكمت على بنات جوزي الاتنين يناموا على الرصيف والسبب محدش يتوقعه
وقبل ما نبدا الحكايه اعرفكم بنفسي 
انا ليلي كنت مطلقه مره وارمله مره وفي اليوم اللي اتجوزت فيه العريس الثالث دخلت انا 
وهو الشقه وكانت أمه قاعده وقالت
الام 
كويس انك جيت يا يحيي عيالك يا اخويا مش 
عايزين يسمعوا كلامي خالص انا تعبت منهم 
الا مين اللي معاك دي يابني
يحيي 
مانا قولت العيال برضه هيغلبوكي يا ماما 
روحت اتجوزت
الام 
نعم نعم يا عين امك اتجوزت ازاي يعني 
من غير ما اعرف كده بقولك اي يا واد انت 

مش كفايه الاولي اللي سابت عيالك 
ومشيت
يحيي 
ارجوك يا ماما انا مش عايزه اي خناق الليله دي انتي اللي على طول بتشتكي ان العيال مطلعين عينك وانا خلاص اتجوزت
الام 
براحتك يا يحيى بس ما ترجعش تشتكي ليا تاني انا ماشيه وراجعه شقتي ومش هاجي هنا شقتك خالص وبعدها مشيت
ليلي 
ليه بس كده يا يحيى حرام عليك مكنتش زعلت مامتك منك
يحيي 
والله يا ليلى ما تعرفيش انا بحترمك ازاي بحس ان انت فعلا انسانه كويسه جدا ماما كانت على طول تاعبه البنات وبتشغلهم في البيت هنا
ليلي 
معقول بتيجي عليهم ازاي يعني الله يسامحها
يحيي 
لما ادخل اشوف العيال بقي علشان يتعرفوا 
عليكي وبعدها دخل وفي المطبخ كانت 
وافقه اسماء بتغسل المواعين واختها 
اميره قالت
اميره 
الحقي بابا مشاه تيته من البيت كفايه 
بقي غسيل مواعين
اسماء 
مانتي عارفه بابا لا يمكن يسبنا لوحدنا 
اكيد هيرجعها تاني البيت
اميره 
مظنش لانه اتجوزت وانا سمعته وهو 
بيقول لتيته كده
اسماء 
ربنا يستر يعني اكيد مراته دي هتعمل فينا 
زي ما تيته كانت بتعمل
اميره 
لا لا والله شكلها طيبه اوي ودخل 
يحيي
يحيي 
بقولك اي يا اسماء كفايه تعب بقي 
يا حبيبتي انا مش عايز منكم الا انكم تشوفوا 
مذكرتكم وبس من هنا ورايح
اسماء 
والله يا بابا احنا بنحبك اوي علشان مش عايز 
تزعلنا
يحيي 
انا اتجوزت علشانكم انتو يا حبايب قلبي 
والله قولت واحده تشيل عنكم شويه 
ودخلت ليلي
ليلي 
انا اسفه أن دخلت عليكم كده بس قولت 
ادخل اشوفك بتعمل اي الله بناتك زي القمر 
والله يا يحيي
يحيي 
ليلي يا بنات يلا يا ليلى بقى اعملي دينا اكل والبنات هتساعدك واي حاجه انتي 
عايزها اطلبها مني علي طول كفايه انك 
هتخلي بالك من البنات
وبعدها أقعدنا كلنا وتاني يوم بابا راح الشغل 
ودخلت ليلي
ليلي
ما تقومي يا حلوه منك ليها اي 
هنفضل نايمين لحد الظهر ولا اي مش وارانا 
حاجات عايزه تتعمل
اسماء 
خير با ماما ليلي عامله تزعقي ليه وبعدين 
الساعه لسه سبعه الصبح
ليلي 
اه حاسه ان الشقه مش نظيفه قومي منك 
ليها يلا اغسلوا السجاد وروقوا الشقه 
دي
اميره 
حاضر يا طنط هنعمل كل اللي انتي عايزه
ليلي 
وانتي يا بت في مواعين في المطبخ من امبارح 
تتغسل كويس بمياه ساقعه
اميره 
في عز التلج ده طيب ازاي
ليلي 
اهو هو كده واياك يحيي يعرف حاجه انتو 
فاهمين ولا لا اسمعي يا بت منك ليها 
يحيي كده كده بيجي يومين وبيسافر 
تاني وهو مش هيطلقني يعني احسن ليكم 
تحطوا لسانكم جوا بوقكم احسن
اميره 
حاضر وبعدها فضلنا نغسل السجاد 
وشويه والباب خبط وفتحت اميره 
وكان المستر بتاعها
محمد 
ازيك يا اميره عامله ايه البنات جم علشان ياخدوا الدرس ولا لسه مجوش
اميره 
لا لا يا مستر دول لسه مش جم اتفضل 
يا مستر ارتاح وانا هرن عليهم 
وخرجت ليلي
ليلي 
يرتاح فين وانت مين وعايز اي
محمد 
انا مستر العربي النهارده في درس 
ليهم خير فيه حاجه
ليلي 
محدش قالك يا استاذ يا محترم ما ينفعش تخش بيت والراجل البيت مش موجود مش هينفع حضرتك تديها الدرس هنا
اميره 
حضرتك بتقولي ايه يا ماما ليلى ما ينفعش تتكلمي ان انت بتقوليه ده بابا عارف ان مستر محمد بيجي هنا وبيديني الدرس
ليلي 
قبل ما اكون موجوده انا في البيت يا حبيبتي ما فيش راجل هيخش البيت هنا يلا يا مستر 
مع السلامه وبعدها مشي وخرجت اسماء
اسماء 
مينفعش ان انتي بتعمليه ده خالص بابا عارف ان المستر بيجي هنا وبيديها الدرس
ليلي 
يلا يا حبيبتي واحده تخش تعمل اكل وواحده تكنس السلم وتمسحه ال تعليم ال وبعدها 
دخلت وكلمت يحيي
يحيي 
خير يا ليلي في ايه اوعى يكون حد من البنات عملك حاجه ضايقتك
ليلي 
لا بس المستر اللي انت جايبه ده مش محترم خالص وما ينفعش يكون موجود هنا في البيت انا بصراحه مشيته لما لقيت نظراته مش كويسه من ناحيتي
يحيي 
اصبري بس يا حبيبتي لما ارجع وهتشوفي انا هعملك فيه ايه ازاي يعمل كده مع اهل بيتي
ليلي 
لا لا بس ما ينفعش يدي بنتك درس اصلا