جوزي وعلاقته بجارتي_الحلقه الاخيره _بقلم هويدا زغلول

وفي الوقت ده قالت ليا
كوثر 
بتقولي اي أنا مش فاهمه اي حاجه خالص وفي الوقت ده انا قومت وقفت وقولت
اميره 
لا لا متخدتش في بالك يا ماما يلا عايزه حاجه 
وبعدها مشيت وروحت البيت
وفي شقه شروق الباب خبط وفتحت
عماد
كنت قريب من العماره هنا وقولت اجي 
اشوف يمكن تكوني عايزه حاجه
شروق
لا يا عماد مش عايزه أو اقولك انا عايزه

عايزكم تسبوني في حالي انت وامك انا والله 
ما هفكر في جواز بعد كده
عماد 
انا تعبان مع مراتي اوي وبجد مش قادر اكمل
حياتي معاها وكل اللي عايزو منك تديني 
فرصه بس ربنا يعلم انا بحبك ازاي
شروق 
يا عماد انا ولا ليا ليا سند كل اللي عايزه منك 
تكون سندي يعني لما تكون اخويا احسن من تكون جوزي وحاول تقرب من مراتك وتعرف 
هي زعلانه دائما منك ليه
عماد 
عالعموم أنا مش هتقل عليكي بالكلام اليومين 
دول بس عايزك تفكري في كلامي كويس اوي 
وبعدها مشي وروح بيته وفي الوقت ده كانت 
شيماء مراته قاعده وقالت
شيماء 
والله عال لسه دلوقتي فاكره أن ليك بيت وزوجه ولا اي
عماد 
بقولك اي يا شيماء انا تعبت من الخناق ومش 
عايز اي ضغط اي رايك نقعد مع بعض ونشوف 
كل واحد مخڼوق من التاني فيه اي
شيماء 
بقولك اي هو انت مش لاقي واحده تجري وراها اليومين دول قولت تيجي تلطف الدنيا معايا 
اسمع يا عماد انا معاك بس علشان مينفعش 
واحده من عليه ابو بكر يتقال عليها مطلقه
عماد
اهي دي بقي مشكلتك كل اللي يهمك العيله
واسم العيله وبس انما جوزك لا
شيماء 
بقولك اي الاكل في المطبخ حط لنفسك 
وكل وابقي اغسل الطبق مكان ما كلت 
وبعدها دخلت الاوضه
عماد 
عمرك ما هتتغيري ابدا والله وفي شقه شروق الباب خبط وكنت أنا
شروق 
خير يا اميره فيه اي عندك حاجه تاني عايزه تقوليها ليا ولا اي
اميره 
اخس عليكي بقي أنا جايه اقعد معاكي شويه 
وانتي بتكلمني بالطريقه دي حقك عليا 
لو كنت زعلتك مني يا حبيبتي
شروق 
ابدا والله مش زعلانه بس عايزكي تشيلي 
من دماغك ان ممكن يكون فيه حاجه ما بيني 
وبين جوزك دي
اميره 
طيب هو احنا هنفضل نتكلم كده من علي 
الباب ولا اي مش هتقولي ليا ادخلي
شروق 
ازاي لا طبعا يا حبيبتي تعالي تنوري ثواني بس 
هدخل اعمل حاجه تشربيها وبعدها دخلت 
المطبخ وانا طلعت الموبيل اللي كان معايا
وحطيته فوق النيش وروحت اقعد وخرجت
اميره 
مقولتيش ليا يا شروق انتي منين اصل حاسه 
ان لهجتك مش زينا اوي
شروق 
من بلد ارياف قريبه من هنا تعرفي يا اميره 
والله انا مخنوقه أن حاسه اني لوحدي 
في الدنيا دي وبجد ما صدقت ان بقي ليا حد
اميره 
وانا عايزكي تعتبرني اختك من هنا ورايح 
ومش عايزكي تشيلي هم حاجه ابدا
شروق 
عالعموم أنا بفكر أعزل اليومين دول واكيد هقولك علي عنواني الجديد وياريت تبقي تسالي 
عليا من وقت للتاني
اميره 
اكيد طبعا يا حبيبتي ياه الوقت جري بسرعه 
هطلع بقي علشان الحق اعمل الاكل قبل ما 
احمد يجي
شروق 
بجد كنت عايزكي تقعدي معايا شويه عالعموم 
شرفتني الشويه