الشقه المسكونه _الحلقه الاولي

البلد المسكونه 
دخل هشام البيت بتاعه وقبل ما يدخل البيت ويقفل الباب سمع صوت ولد صغير بيقوله..
الولد
الغيط تعالي الغيط.
لف هشام ورااه بس ما شافش حاجه بس لما جه يدخل جوه تاني بس سمع نفس صوت الولد وهو بيقول...
الولد _
انت حتي لو دخلت هتلاقيني جوه فتعالي معايا احسنلك...
اتوتر هشام وقاله _
انت مين يا ابني انت تعالي قدامي واتكلم..الولد _

انت اللي جيت البلد دي واستحمل اللي هيحصلك فيها مدام عايز تبقي من اهلها...
_خاف هشام ودخل بسرعه البيت وقفل الباب وبعدين بص حواليه وحس بنفس حد في البيت بس كبر دماغه ودخل اخد شاور وراح عشان ينام بس لقي طفل صغير قاعد علي السرير وشكله كان غريب ده مش بشړ باين اووي عليه واتكلم الولد وقال..
الولد _
من غير ما تفكر كتير انا فعلا مش بشړ انا عفريت...
_وقبل ما نبدأ قصتنا اعرفكم علي البطل بتاعنا النهارده واللي اسمه هشام دكتور لسه متخرج جديد وكان مستني طلب التعين وفي يوم راح عشام ياخد طلب التعين وكان معاه صاحبه عمار اللي قاله.. 
عمار _
ايوه يا عم تلاقي جاتلك الجيزه او الاسكندريه واحنا هنتحدف اخر الدنيا..
رد عليه هشام بصيق وقال _
قلبك ابيض يا عم قال الجيزه او الاسكندريه ليه ابويا كان عميد الجامعه وانا معرفش..
_فتح هشام جواب التعيين واتدايق جدا لما لقي ان التعين جاله في محافظة سوهاج في قريه هناك اسمها قرية عنتر..
ضحك عمار وقاله _
وتطلع ايه قرية عنتر دي كمان..
بصله هشام بغيظ وقال _
مش نبرت فيها حضرتك اوعي بقس عشان الحق اودي امي عند خالي واسافر..
رجع هشام وساله وقال _
انت جالك طلب التعيين فين..
رد. عليه عمار بقلق وقال _
جالي في نفس المحافظه سوهاج بي قريه تانيه اسمها الشهيد...
هشام بحماس _
طيب كويس عشان نسافر مع بعض..
_وبعد يوم كان هشام وعمار صاحبه واقفين في محافظة سوهاج وقال هشام بقلق..
هشام _
وبعدين بقي هنروح فين دلوقتي..
عمار رد عليه بضيق وقال _
انا هنط في اي ميكروباص يوصلني للقريه المنيله بنيله اللي رايحها دي...
هشام بهدوء قاله _
اوكي روح انت وانا هشوف القريه اللي هروحها بيتركب ليها منين..
_مشي عمار وقرب هشام من سواق تاكسي وسأله وقال..
هشام بهدوء _
قولي يا اسطا لو سمحت اروح قرية عنتر اللي تبع مركز دار السلام منين..
بان القلق علي الراجل ورد عليه وقال _
هه لا مش طريقي...
استغرب هشام قلق الراجل وسأله تاني وقال _
يا عم طيب ينوبك ثواب تقولي اركبلها منين...
الراجل بعصبيه زعق قيه وقال _
يا عم بقولك ما اعرفش روح اسأل غيري هي ايه المصاېب اللي علي المسا دي بس..
_اتنهد هشام بضيق وراح سأل راجل تاني وقال ليه..
هشام _
لو سمحت يا عم اركب منين عشان اوصل لقرية عنتر اللي تبع مركز دار السلام..
رد عليه الراجل وقال _
انت شكلك مش من اهنه عايز اتروح اهناك ليه..
هشام بهدوء رد عليه وقال _
انا الدكتور الجديد اللي همسك الوحده اهناك..
سأله الراجل بقلق وقال _
وتعرف ايه عن القريه دي قبل ما تروحها...
رد عليه هشام وقال _
والله يا عم انا ما اعرفش حاجه لسه هما بس قالولي اروح للعمده عبد الدايم وهو هيريحني هناك...
الراجل بحماس قاله _
طيب زين قوي تعالي ويايا انا من القريه دي وهوصلك في طريقي تعالي..
_اتنهد هشام بأرتياح انه اخيرا لقي حد ي صله للبلد دي وركب معاه ميكروباص وبعد وقت كبير عدي الساعتين صل القريه ونزل هو الراجل اللي كان راكب معاه وقاله..
هشام _
شكرا اووي يا حج و..
_بص عشام علي الراجل بس فجاه ما لقيش الراجل جنبيه خالص ولما بص وراه لقب عيل صغير يجي عمره ست سنين واقف بس شكله غريب شويه فسأله هشام وقال..
هشام _
ايه يا حبيبي اللي مقعدك في الشارع لحد دلوقتي دي الساعه داخله علي احداشر بالليل وانتو هنا في البلد باين عليكم بتنامو من المغرب..
ضحك الولد وقاله _
هما نامو من المغرب عشان خايفين مني...
ضحك هشام وقاله _
ههههه لا والله جامد اووي انت علي كده طيب قولي كان في راجل واقف هنا مشفتوش راح فين..
رد عليه الولد وقال بجديه _
ما انا الراجل ده وانا اللي جيبتك هنا...
ضحك هشام تاني وقاله _
هههههه انت شكلك شقي اووي...
الولد بحزن _
انا