اختفاء الچثث الحلقه الاخير بقلم هويدا زغلول
انت في الصفحة 1 من 4 صفحات
_ الچثث بتختفي
الحلقه التانيه
_ كان احمد قاعد قدام وكيل النيابه وقال ليه..
احمد
والله انا سيبته كان كويس وكنا علي قهوه جنب المستشفي..
عادل وكيل النيابه
ما فيش اي شهود قالت كده الكل انكر انكم كنتو في القهوه..
احمد
وانا ايه مصلحتي اني اعمل كده طيب انا لسه بقي ليا يومين..
عادل
والله الكلام ما لوش فايده انت اللي هتلبس القضيه وخصوصا انك متهم بأختفاء چثه من المشرحه اللي كنت مسؤل عنها ومش بيدخلها غيرك انت وحسن...
احمد
عايز ايه وايه اللي جابك اصلا..
مدحت
دخلت نفسك في موضوع كبير بس ليه تعمل كده في حسن مش حرام عليك..
احمد
انت وانا عارفين كويس اني مش انا اللي عملت في حسن كده وان السبب انت يا اشول..
مدحت
قصدك ايه بقي وو..
قصدي ان كل الطعنات اللي في جسم ناهد ناحية الشمال وانت اشول وبتعمل المستحيل عشان تبتدني عن عملية التشريح..
مدحت
طيب تمام اوي كده انت مش هتفتح بوقك بكلمه من الكلام ده اولا ما حدش هيصدقك ثانيا اللي اكبر مني ومنك ومن اي حد اذي خطيبتك سمر...
دخلت في الوقت ده ام احمد وقالت
احمد ليه بس كده يا ابني انت يطلع منك كل ده انا جيبتلك محامي وو..
طيب هسيبك مع الحجه انا وامشي علي فكره انا اللي خليتهم يدخلوها شوفت انا بحبك ازاي.. ومشي مدحت واحمد قال لمامته..
احمد
ماما هي سمر كويسه طمنيني عليها..
الام
وانت عرفت منين اهلها بيقولو لما عرفت اللي حصلك اللي خدها ما جبخاش وقعت من طولها ومش بتتحرك..
احمد
الموضوع ده كبير اووي وانا لازم اعرفه... ومشيت الام بعد ما اطمنت عليه وهو قعد في الزنزانه وفجأه حس بحركه جنبيه ولما بص اتنقض لما شاف انها ناهد..
انتي ايه اللي جابك هنا انتو عايزين مني ايه ارحموني انا حياتي باظت و...
ناهد
عشان انت الوحيد اللي هتقدر تساعدني وتساعد ناس كتير انت قربت توصل للحقيقه..
احمد پخوف
اوصل لايه وانا هنا خلاص كل حاجه ضاعت..
ناهد
الباب هيتفتح دلوقتي واخرج وانت ما حدش هيشوفك..
احمد
ومدام انتي جامده اووي كده ما تجيبي حقك بنفسك..
ياريت ينفع بس ما ينفعش.... واختفت واحمد خاف وقال..
احمد
يا رب بقي انا تعبت.. وبعدين طلع فعلا من القسم وراح لبيت مريم اخت ياسر اللي اول ما فتحت الباب خاڤت وقالت..
مريم
هو انت ايه اللي جابك هنا انا لازم ابلغ عنك..
احمد
استني والله العظيم انا ما عملتش حاجه ولا اخوكي كمان بس اخوكي زيه زيي متهدد ولازم نعرف الحكايه..
ادخل بسرعه يلا انت هتنحلي... دخل عندها احمد وهي قعدت وقالت..
مريم
مش ياسر لوحده اللي متهدد احنا كمان..
احمد
ايوه من مين ومتهددين ليه..
مريم
صدقني ما اعرفش كل اللي اعرفه ان حد قال لياسر لو قال انه مش هو اللي عمل كده هيتاذي فيا انا
